web counter
LEXO PA REKLAMA!

SHKARKO APP

App Store
Google Play

E fundit!

x

"Tragjedi e paralajmëruar”/ PD reagon për vrasjen e efektivit të Policisë

28 Shtator 2021, 11:50, Aktualitet CNA

Vrasja në detyrë e oficerit të policisë,  Saimir Hoxha është pasuar me reagime politike.

Pas Presidentit Ilir Meta ka reaguar edhe Partia Demokratike, me anë të deputetit, Enkelejd Alibeaj

Sipas Alibejat kjo ishte një tragjedi e paralajmëruar pasi policët e ndershëm janë braktisur nga shteti i gjunjëzuar nga krimi.

?I shprehim ngushëllimet tona familjes së nën/komisarit të policisë, Saimir Hoxha, të vrarë sot në detyrë, teksa kontrollonte për kanabis në zonën e mbrojtur të Kune-Vainit.

 Fatkeqësisht kjo është një tragjedi e paralajmëruar, sepse prej vitesh punonjësit e policisë që shërbejnë me ndershmëri në mbrojtje të rendit dhe sigurisë janë braktisur nga shteti i gjunjëzuar përpara krimit, i cili është në revansh për shkak të modelit të bashkëpunimit me krimin të frymëzuar nga ky regjim i korruptuar.

 Prej vitesh, Shqipëria e sunduar nga Edi Rama është kthyer në vendin kryesor të prodhimit të kanabisit në Europë, pasojat e këtij vullneti të mbrapshtë politik janë shkatërruese për shoqërinë dhe institucionet tona.

 Që krimi të mos guxojë, që rendi dhe siguria të kthehet në normalitet, zgjidhja që kemi përpara është vetëm një, ndarja përfundimtare e politikës nga krimi dhe ndëshkimi i modelit të ndërtuar nga Edi Rama, i cili ka shkaktuar dhe shkakton vetëm dhimbje dhe pasiguri në familjet shqiptare!?, shkruan Aliebaj në rrjete sociale./CNA.al





Lajmet e fundit nga