LEXO PA REKLAMA!

SHKARKO APP

“Turne” nëpër prokurori/ Vettingu merr vendimin për Isa Jatën

15 Korrik 2021, 11:32, Vetingu CNA
“Turne” nëpër prokurori/ Vettingu merr vendimin për

Komisioni i Pavarur i Kualifikimit që kryesohej nga Genta Tafa Bungo, relatore Alma Faskaj dhe anëtar Lulzim Hamitaj, kanë konfirmuar sot në detyrë prokurorin e Tiranës, Isa Jata.

Ai u hetuar në mënyrë të detajuar për pasurinë në lidhje me një apartament në Golem dhe për kursimet.

Ai arriti të binte anëtarët e KPK-së gjithçka e kishte bërë brenda ligjit.

Kujtojmë se Isa Jata, ishte prokurori që nxori nga ngërçi, Prokurorinë e Apelit për Krime të Rënda, pasi shpata e Vettingut e kishte boshatisur institucionin.

Në Korrik të vitit 2019, me shumicë votash, Këshilli i Lartë i Prokurorisë, vendosi që Isa Jata, prokuror në Prokurorinë pranë Gjykatës së Shkallës së Parë Tiranë, të vendoset në pozicionin e prokurorit në Prokurorinë pranë Gjykatës së Apelit të Krimeve të Rënda.

Në këtë pozicion ka qëndruar deri në shkrirjen e Krimeve të Rënda.

Më herët i njëjti ka punuar në Prokurorinë e Përgjithshme, por në vitin 2015 është transferuar në Prokurorinë e Shkallës së Parë në Tiranë, aty ku është edhe sot.

Transferimet për këtë prokuror, në një kohë u kthyen në turne nëpër kryeqytet.

Në aspektin profesional, prokurori Jata ka pasur një karrierë të heshtur, pa u lakuar për raste specifike./CNA.al

Lajmet e fundit nga