LEXO PA REKLAMA!

SHKARKO APP

Hetim në tre kritere/ Konfirmohet në detyrë drejtuesi i prokurorisë së Elbasanit

30 Qershor 2021, 09:46, Vetingu CNA
Hetim në tre kritere/ Konfirmohet në detyrë drejtuesi i

Drejtuesi i Prokurorisë së Elbasanit, Kreshnik Ajazi është konfirmuar në detyrë, pas përballjes me vettingun në të tre kriteret e rivlerësimit nga Komisioni i Pavarur i Kualifikimit.

Trupa gjykuese që kreu procesin e vetingut për prokurorin Ajazi kryesohej nga Roland Ilia, me relatore Brunilda Bekteshin dhe anëtare Genta Tafa Bungon. Në cilësinë e vëzhguesit ndërkombëtar ishte i pranishëm Francesco Ciardi.

Më 26 mars 2021, Ajazi u caktua nga Këshilli i Lartë i Pokurorisë si drejtues i Prokurorisë së Elbasanit me një mandat 3 vjeçar.

Gjatë seancës dëgjimore të premten nuk u evidentuan probleme domethënëse për pasurinë dhe pastërtinë e figurës, ndërkohë që prokurori Ajazi u pyet dhe dha shpjegime për disa çështje të hetuara prej tij.

Nga hetimi administrativ i kryer prej Komisionit për profesionalizmin është konstatuar se vendimet e marra nga prokurori Ajazi janë lënë në fuqi./CNA.al

Lajmet e fundit nga