LEXO PA REKLAMA!

SHKARKO APP

App Store
Google Play

E fundit!

x

Takimi Biden-Putin/ Ish-ambasadori Vukaj: SHBA po shmang Rusinë, kanë objektiv Kinën

17 Qershor 2021, 16:20, Politikë CNA
Takimi Biden-Putin/ Ish-ambasadori Vukaj: SHBA po shmang Rusinë, kanë

Shaqir Vukaj, ish-ambasador i Shqipërisë në Rusi e konsideron mjaft pozitiv dhe produktiv takimin e mbajtur mes Presidentit të SHBA, Joe Biden dhe Presidentit të Rusisë, Vladimir Putin.

Gjatë një interviste për Euroneës Albania, ish-diplomati tha se ?sfera e diskutimit ishte shumë e gjerë që nga marrëdhëniet mes dy vendeve, rritja e marrëdhënieve tregtare mes tyre, sulmet kibernatike deri tek problemet e arktikut?.

Z. Vukaj nënvizoi se kjo ishte e domosdoshme pasi situata ishte shumë e tensionuar dhe shkak sipas tij ishte bërë cilësimi i Putinit si vrasës nga Biden, që çoi në tërheqjen e ambasadorëve.

Shaqir Vukaj tha se e shikon si një taktikë të SHBA këtë hap pasi takimi vjen me iniciativë të Biden, duke bërë kështu njëlloj tërheqjeje.

Dhe e gjitha kjo tha ish-ambasadori shqiptar në Rusi vjen në një kohë kur SHBA ka përqendruar të gjithë forcat në përballjen me Kinën.

?Duhet ulur tensioni mes dy vendeve pasi SHBA sot kanë objektiv Kinën, ku kjo u tregua dhe gjatë takimit të NATO-s. Të bashkojnë dhe Rusinë t?i bëjnë bashkë nuk është e leverdishme për Amerikën. Rusinë në një farë mënyrë po e shmang përmes përmirësimit të marrëdhënieve në ato fusha që u ra dakord?, tha ish-ambasadori.

Por, z. Vukaj veçoi një fakt duke thënë se në këtë takim nuk është diskutuar për çështjen e Ballkanit.

Ish-diplomati shprehu habi për këtë fakt duke marrë parasysh se Rusia e konsideron Ballkanin si një zgjatim të saj dhe nga ana tjetër Biden po tregon një vëmendje të veçantë për rajonin tonë ndryshe nga Trump dhe Obama.

?Nuk u zu në gojë problemi i Ballkanit, personalisht prisja që të kishte një pikë. Biden po i kushton rëndësi shumë më të madhe Ballkanit se sa Trump dhe Obama?, tha ai./euronews

Lajmet e fundit nga