LEXO PA REKLAMA!

SHKARKO APP

Mbyllja e zgjedhjeve brenda PD-së/ Reagon për herë të parë Harxhi

14 Qershor 2021, 16:57, Politikë CNA
Mbyllja e zgjedhjeve brenda PD-së/ Reagon për herë të

Edith Harxhi ka reaguar për herë të parë pas mbylljes së garës së brendëshme të PD, ku Basha u rikonfirmua në krye të partisë.

Në një postim në rrjetet sociale, Harxhi ka shprehur falënderimet për të gjithë demokratët që e votuan.

Gjithashtu ajo thekson se së shpejti do të thotë edhe mendimet e saj mbështetur mbi fakte për procesin.

“Të nderuar miq, antarë dhe mbështetës të Partisë Demokratike,

Ju falenderoj nga zemra për mbështetjen dje gjatë procesit zgjedhor për Kryetare të Partisë Demokratike. Falenderoj të gjithë ata që votuan për mua por edhe ata që nuk votuan për mua pasi demokracia gjithëmonë duhet të shprehet me votë. Falenderoj me mirënjohje të gjithë vëzhguesit e mi gjatë procesit zgjedhor, kontribuesit dhe miqtë e mi që punuan këto tre javë, si dhe Grupin për PD-në që ishin me mua në këtë betejë. Falenderoj edhe të gjithë gazetarët dhe punonjësit e medias për interesin e tyre dhe punën e palodhur.

Ju shpreh gjithë mirënjohjen time për kohën dhe vëmendjen që më keni kushtuar. Gjatë këtyre dy javëve pata nderin dhe kënaqësinë t’ju takoja, të bisedonim dhe të bashkëndanim shqetësimet tona për gjendjen e vështirë në të cilën ndodhen partia jonë dhe Shqipëria.

Natyrisht koha ishte mjaft e kufizuar dhe e pamjaftueshme. Por ky është vetëm fillimi. Sepse, sic ju kam premtuar, unë do të vazhdoj të bashkëbisedoj me ju në cdo cep të vendit për të ringritur të djathtën dhe shpresën. Ne do gjejmë zgjidhjet më të mira për t’i rikthyer Partisë Demokratike vlerat, dinjitetin, forcën dhe rëndësinë e humbur, për t’a ribërë atë përsëri një parti qeverisëse dhe të djathtën Shqiptare konkuruese dhe të fortë.

Lidhur me atë që ndodhi dje, gjatë procesit zgjedhor, së shpejti do të them mendimet e mija, mbështetur mbi fakte. Por, natyrisht, gjithçka ndodhi dje nuk do pengojë dhe, aq më pak, t’a ndalojë misionin tonë të përbashkët për të reformuar dhe ringritur PD-në. Ne duhet të vazhdojmë të kërkojmë zgjedhje të lira dhe të ndershme si dhe të ndalim korrupsionin në cdo nivel të jetës. Unë nuk i lë kauzat në mes?

Duke ju shprehur përsëri gjithë mirënjohjen dhe nderimin tim. Me respekt, Edith Harxhi’/CNA.al

 

Lajmet e fundit nga