LEXO PA REKLAMA!

SHKARKO APP

Ekspertët e BE rekomandojnë etiketa paralajmëruese për trombozën në vaksinën J&J

20 Prill 2021, 17:02, Lifestyle CNA
Ekspertët e BE rekomandojnë etiketa paralajmëruese për

Ekspertët e Agjencisë Europiane të Barnave, EMA rekomanduan të martën që në etiketën e vaksinës anti-COVID Johnson & Johnson të shënohet qartë se ka efekte të rralla anësore që shkaktojnë trombozë apo mpiksje gjaku.

Javën e shkuar, Johnson & Johnson ndaloi shpërndarjen në Europë pasi zyrtarët amerikanë këshilluan pezullimin e përkohshëm të vaksinës, kur u përballën me gjashtë raste shumë të rralla të mpiksjes së gjakut në rreth 7 milionë njerëz të vaksinuar.

Zyrtarët europianë thanë se morën në konsideratë të gjitha provat nga SHBA, ku përfshihej dhe një vdekje.

Johnson & Johnson këshilloi autoritetet në Europiane të magazinojnë dozat e tyre derisa të arrihej një vendim nga EMA, gjë që ka bërë që deri tani vaksina me një dozë e J&J të mos përdoret gjerësisht.

Vonesa pengoi edhe më shumë përpjekjet e BE për vaksinim, të cilat janë përkufizuar nga mangësitë në furnizim, probleme logjistike dhe shqetësime për trombozën që ka bërë që pak njerëz të marrin vaksinën AstraZeneca. Vende si Italia, Rumania, Holanda, Danimarka, Afrika e Jugut dhe Kroacia gjithashtu kanë pezulluar përdorimin e vaksinës J&J.

Të hënën, OBSH lajmëroi se javën e shkuar u regjistruan 5 milionë raste të reja të COVID-19 në gjithë botën, numri më i lartë i shënuar ndonjëherë për një javë të vetme. Sipas OBSH numri i të rinjve që po shtrohen gjithashtu në spital është alarmues.

BE ka porositur 200 milionë doza të Johnson & Johnson për vitin 2021./euronews

Lajmet e fundit nga