web counter
LEXO PA REKLAMA!

SHKARKO APP

App Store
Google Play

"Fieri pa tamponë"/ Baçi ngre alarmin: Timoni është lënë pa duar, situata po përkeqësohet

31 Tetor 2020, 10:25, Politikë CNA

Ish-deputeti Luan Baçi, ka denoncuar situatën shëndetësore në qytetin e Fierit, ku pretendon se po përkeqësohet çdo ditë e më tepër.

Baçi ngriti akuzat se qeveria i ka lënë qytetarët në mëshirë të fatit, pa u dhënë një zgjidhje, pa u siguruar testim dhe mjekim.

Sipas tij, në Fier mungojnë tamponet për të bërë testin dhe pavarësisht se në repartin e urgjencës  konstatohen pacientë me simptomat Covid, nuk u bëhet tamponi.

?Në kulmin e pandemisë, mungesa e tamponëve nuk është vetëm keqmemaxhim, por është kriminale.  Mungesa e tamponëve vë në rrezik jetën e qytetarëve dhe përhapjen e shpejtë të sëmundjes.

Skaneri konfirmon se gjendja në Fier është alarmante. Dy ditë më parë, 35 pacientë që kanë bërë skanerin, kanë rezultuar pothuajse të gjithë të prekur me COVID dhe në fazë të avancuar. Nëse këtyre qytetarëve do t?u bëhej tamponi në kohë, do ta kishin më të lehtë të kuronin sëmundjen.

Por Qeveria e Edi Ramës nuk i ka prioritet as qytetarët e Fierit, as qytearët e tjerë të Shqipërisë, që vuajnë po njësoj papërgjegjshmërinë, paaftësinë dhe hajdutërinë e kësaj qeverie.

Në Fier, timoni është lënë pa duar dhe situata është në rënie të lirë. Edhe ata pak qytetarë që mund të bëjnë tampon në shtet nuk marrin përgjigjen në kohë. Vonesat në kthimin e përgjigjevë variojnë nga 1 javë deri në 10 ditë. Sipas informacioneve nga spitali i Fierit, përgjigjet e disa tamponëve të bërë nuk kanë ardhur prej datës 21 Tetor?, u shpreh ai gjatë një deklarate për mediat.

Demokrati tha se të gjitha këto vonesa nxjerrin të pavlefshme dhe ato pak testime që bëhen, sepse sëmundja përparon dhe trajtimi mjekësor mungon.

Baçi thekson se qeveria do të mbajë përgjegjësi politike dhe ligjore për këtë sjellje kriminale, që vendos të parin interesin e pushtetit dhe jo interesin e qytetarëve të Fierit dhe të gjithë Shqipërisë./ CNA.al





Lajmet e fundit nga