web counter
LEXO PA REKLAMA!

SHKARKO APP

App Store
Google Play

E fundit!

x

Nga Korça, në Vlorë/ Ben Blushi “hajdut” tokash, si u pasurua me ardhjen e Rilindjes

16 Qershor 2020, 09:39, Politikë CNA

Media shqiptare ka prodhuar politikanë, biznesmenë, shkrimtarë, botues, e lloj lloj individësh.

Një ndër këto ?produkte? është edhe drejtori i Top Channel, Ben Blushi, i cili pasi dështoi në politikë, iu rikthye medias, duke përdorur një televizion kombëtar si ?kamzhik? për interesat e tij.

Por, një tjetër detaj që bie në sy është fakti se pushteti i Rilindjes, duket se ka qënë mjaft ?frytdhënës? edhe për ish-politikanin Ben Blushi. Në vetëm një mandat të Rilindjes, Ben Blushi mundi të shtojë pasurinë e tij me mijëra euro.

CNA.al ka treguar sesi në vitin 2015, një biznesmen i shiti një pasuri në qendër të Korçës. Një ambient tregtar, biznesi, për një vlerë vetëm 30 mijë euro, ndërkohë që vlera e tregut në atë ambient shkonte rreth 500 mijë euro. Faturat e deklaruara janë për vetëm 30 mijë euro dhe prona është në emër të vajzës së tij, N. Blushi. (Lexo këtu)

Më tej, në muajin maj 2020, CNA.al  pas disa ankimeve nga banorët e Dardhës, ka bërë një tjetër investigim. CNA.al ka zbuluar sesi pasuria e Blushit është shtuar edhe me 250  mijë euro të tjera.

Më poshtë shikoni një kontratë shit-blerje, të kryer tek noterja Zhulieta Mano, me numër 3331, në vitin 2001, ku Ben Blushi ble në Dardhë të Korçës, një pasuri për 12 milionë lekë të vjetra. Një pasuri me dy dhoma, e ndarë me korridor, pjesë e një prone të një shtëpie aty.

Blushi filloi dhe investoi në atë shtëpi të vogël dhe më pas duke shfrytëzuar edhe hapësirat ligjore shkon dhe çon për proçedurë legalizimi gjatë kohës që kishte ardhur Rilindja në pushtet një sipërfaqe trualli, për gati 2 mijë metër katëror, në qendër të fshatit Dardhë.

Për më tepër ka pasur edhe një përplasje dhe konflikt me banorët e Dardhës. Ata pretendojnë se ajo sipërfaqe nuk është e Ben Blushit, ka pronarë, ka trashëgimtarë.(Lexo këtu)

Këto janë dy prona të paluajtshme, njëra në Korçë dhe tjetra në Dardhë.

Këtu nuk po flasim për pasurinë e tij në kryeqytet. Nuk po flasim për rreth 300 milionë lekë të tjera, të cilat ndodhen në banka të nivelit të dytë në forma si bonus thesari apo miliona e miliona të tjera, të bëra nëpërmjet mënyrave sesi ai ka mundur të manipulojë pasurinë e tij.

Këtu nga pas fshihet edhe një pallat në kryeqytet, në emër të vjehrrit të tij, një ish-avokat, i cili ka mundur të përfitojë një pasuri disa miliona euro. (Lexo këtu)

Por, mesa duket Ben Blushi nuk ndalet me kaq. Të tjera të dhëna kanë dalë në dritë një ditë më parë.

Ditën e djeshme, ish-kryeministri Sali Berisha ka publikuar denoncimin e një qytetari, sipas të cilit, Ben Blushi ka ?grabitur? toka edhe në bregdet.

Sipas denoncuesit, Ben Blushi ka grabitur një tokë në Dhërmi, nëpërmjet falsifikimeve.

Po ashtu në denoncim thuhet se kryeministri Edi Rama ka shkarkuar  dy drejtorë hipoteke në Vlorë, pasi zbuluan falsifikimin e dokumentave dhe refuzuan rregjistrimin.

Gjithashtu pretendohet se për këtë tokë, Blushi është përplasur edhe me biznesmenit Pandi Carapuli që ka ndërtuar aty.

?I nderuar Doktor. Unë jam një punonjëse e hipotekës në Vlorë. Një muaj më parë në zyrat tona plasi një sherr i madh për regjistrimin e një prone në Dhërmi. Bëhet fjalë për gati 6000m2 në bregdet. Me presion dhe shantazh është regjistruar pasi ishte e falsifikuar. Pra kishte zhvendosje. Prona është në breg të detit dhe gjoja është ndarë me ligjin 7501. Por kur pamë emrat e pronarëve kuptuam përse bëhej fjalë. Sipërfaqja u regjistrua në emër të Ben Blushit dhe Gazmend Demit. Në hipotekë plasi skandali dhe ikën edhe 2 drejtorë vetëm për këtë rast. Është paguar një thes me lekë. Ka filluar një përplasje e madhe midis Blushit dhe biznesmenit Pandi Carapuli që ka ndërtuar aty. Një vjedhje e hapur në mes të ditës në një nga zonat me vlere më të madhe në Shqipëri. Perlat e rivierës po grabiten nga Ben Blushi e Co. Prona është regjistruar me 06.05.2020?, thuhet në mesazh.(Lexo këtu)

Pra, Ben Blushi, mesa duket pasi dështoi në politikë, tani ka filluar e grabit tokat e shqiptarëve, duke gjetur hapësira ligjore me legalizime apo falsifikime dokumentesh./ CNA.al

Dokumentet/ Ben Blushi shtoi pasurinë një miliard lekë, me Rilindjen

Denoncimi/ Ben Blushi pas Dardhës grabit 6 mijë m2 në bregdet

Dokumentet-Ben Blushi shet biznesin në Korçë/ Zbulohet skema, si përfitoi dhjetëra milionë lekë

Video ekskluzive/ Ben Blushi sherr me banorët e Dardhës: Largohuni se jeni me virus  

Flasin banorët e Dardhës/ Ben Blushi po na vjedh dhe shkatërron shtëpitë

Video-Ben Blushi ndërtim pa leje në Dardhë?!/ Debate me banorët

Ekskluzive-Zbulohet gazetari oligark që ia kalon edhe Alfred Pezës





Lajmet e fundit nga