Ekskluzive-Perëndon epoka e Henri Çilit/ UET drejt shitjes, banka i merr pronat

15 Qershor 2020, 12:51, Politikë CNA

Ngjarjet e fundit, duket se kanë tronditur rëndë botuesin dhe pronarin e UET, Henri Çili, pasi ky i fundit u përfshi në një skandal përgjimesh, u ndalua nga policia dhe më pas u lirua nga gjykata.

Henri Çili kishte një akuzë mjaft të rëndë, pasi në përgjime ai duket se kishte tentuar që të korruptonte gjykatën për të liruar vrasësin e oficerit të policisë, Ibrahim Basha, i cili humbi jetën gjatë ndërhyrjes në Lazarat.

Çfarë ka ndodhur?

CNA.al ka mësuar nga burime zyrtare se tashmë banka e cila ka pasur kreditë e dhëna ndaj Henri Çilit ka filluar të veprojë mbi pasuritë e tij.

CNA.al ka mësuar se një nga godinat e UET, që ka qënë në pronësi të Çilit, tashmë ka kaluar në pronësi të bankës dhe ka ndryshuar pronar.

Të njëjtat burime theksuan se një nga godinat e UET është me qera, ndërsa një ka qënë në pronësi të pronarit të saj, Henri Çilit. Por, mesa duket problemet me bankat, kreditë dhe ngjarjet e fundit kanë bërë që Henri ta humbë këtë pasuri dhe tashmë ajo t?i kalojë bankës dhe më tej një pronari tjetër.

Çfarë po ndodh me UET

Problemi i vetëm nuk duket të jenë vetëm kreditë apo pronat që po humb Henri Çili. Një problem i madh duket se tashmë është edhe me vetë pronësinë e Universitetit Europian të Tiranës. Ky i fundit tashmë ka nujë godinë më pak, por mesa duket së afërmi edhe Henri Çili nuk do jetë më aksioner i shumicës së këtij universiteti.

Një burim pranë UET i tha CNA.al se tashmë janë duke u negociuar shitjet e aksioneve te një personazh jo i panjohur në Tiranë. Ai është Laert Duraj, drejtori i Postës Shqiptare, i cili së bashku me Andi Durajn, i cili ka qënë edhe avokati i Henri Çilit gjatë proçesit të tij gjyqësor dhe ndalimit nga policia, janë personat të cilët mesa duket po tentojnë të mbyllin së afërmi një marëveshje me Henri Çilin, për të marrë nën kontrol shumicën e aksioneve të këtij Universiteti.

CNA.al ka mundur të sigurojë edhe disa informacione të tjera, në lidhje me atë që mund të quhet falimentim apo ?shuarje? të epokës së Henri Çili dhe UET. Dikur një propagandë e shrenuar mediatike, grupe individësh që luftonin për ?magjinë? e UET. Për Henri Çilin, biznesmenin e fortë, i cili mundi të krijonte një universitet nga hiçi, e që sot mesa duket gjithçka po perëndon bashkë me epokën e Çilit dhe tashmë ndoshta UET mund të ketë një epokë tjetër./ CNA.al