web counter
LEXO PA REKLAMA!

SHKARKO APP

App Store
Google Play

E fundit!

x

Reforma Zgjedhore/ Paralajmëron Bylykbashi: Kush voton më shumë se një herë do ndiqet penalisht

15 Qershor 2020, 18:16, Politikë CNA

Përfaqësuesi i PD në Këshillin Politik të Reformës Zgjedhore, Oerd Bylykbashi, dha një prononcim për mediat pas përfundimit të takimit.

Bylykbashi tha se kanë siguruar që në zgjedhjet e ardhshme identifikimi biometrik të jetë në të gjithë qendrat e votimit dhe paralajmëroi se kush voton më shumë se dy herë do dërgohet për ndjekje penale.

Bylykbashi tregoi se një tjetër çështje për të cilën diskutuan në tryezë ishte financimi i partive politike, për të cilën deklaroi se po diskutohet ende.

“Sot diskutuam për të gjetur të gjitha garancitë dhe drafti përfundimtar do të sigurojë që në zgjedhjet e ardhshme identifikimi biometrik do të jetë në të gjithë qendrat e votimit. Kutitë e votimit do të jenë të mbrojtura nga vota fallco. Ai që do të identifikohet se ka votuar më shumë se një herë do të dërgohet për ndjekje penale. Çështja e dytë është financimi i partive politike. Objektivi jonë është që të gjejmë një zgjidhje të plotë. Në këtë kod kemi rënë dakord që të ketë reduktim drastik të financimit privat dhe reduktim të shpenzimeve. Nesër do të vazhdojmë punën për çështjet që janë të hapura”, theksoi ai./ CNA.al





Lajmet e fundit nga