E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

“Unë dua të garoj”/ Andi Përmeti besimplotë: Do ja dalim të ndryshojmë sistemin

15 Qershor 2020, 15:19, Politikë CNA

Deputeti i Bindjes Demokratike Andi Përmeti, ka folur për situatën politike në vend dhe për debatin për Reformën Zgjedhore.

Përmeti thotë se e vetmja mënyrë për të larguar të keqen dhe për të sjellë ndryshimin në Shqipëri ëhstë garimi në zgjedhje

?Unë dua të garoj. E vetmja mënyrë për të larguar të keqen dhe për të sjellë ndryshimin në Shqipëri. Gjithmonë kam qenë i bindur që e keqja që ka mbërthyer Shqipërinë largohet duke çrrënjosur këtë sistem të kalbur politik i cili i jep pushtet perandorak 3 individëve. Para se të merrja mandatin dhe çdo ditë të qenit në Parlament kam kërkuar publikisht ndryshimim e sistemit, hapjen e listave duke i dhënë mundësi qytetarëve të vendosin për përfaqësuesit e tyre dhe rrjedhimisht për qeverinë e tyre. Kam besuar dhe besoj që lista e bërë nga një individ ka sjellë deformim të votës (askush nuk e di për kë voton dhe nuk ka të drejtë zgjedhjeje po merr një listë të gatshme nga kryetari i partisë) dhe deformim deri në çnatyrim të karakterit njerëzor. Sot, nëpër parti nuk ka më individë me ide, mendime dhe propozime por ka vetëm një garë të shfrenuar servilizmi ndaj kryetarit dhe personave afër tij?, shkruan ai në rrjetet sociale.

Deputeti thotë me bindje se sistemi zgjedhor do të ndryshohet dhe në zgjedhjet e ardhshme do të shkohet me lista të hapura.

?Sot beteja për lista të hapura vazhdon dhe unë jam besimplotë që do ja dalim të ndryshojmë sistemin duke i dhënë shqiptarëve të drejtën për të zgjedhur përfaqësuesit e tyre. Sot Shqipëria ka nevojë për demokraci, sot shqiptarët kanë nevojë të sjellin ndryshimin e shumëpritur me votë dhe jo të qajnë hallet e 3 individëve të cilët njëherë 2 kundra 1 dhe herën tjetër të kombinuar ndryshe po prap 2 kundra 1 bëjnë marrëveshje personale për të ndarë tortën e pushtetit në kurriz të shqiptarëve. Se kush duhet të jetë me kë duhet ta vendosë vota dhe jo pazari ndërmjet kryetarëve të partive, këtu vota nuk ka vendosur kurrë, për fat të keq kanë vendosur vetëm pazaret e 3 individëve.

Beteja kundra më të fortëve nuk është kurrë e lehtë. Do sulmohesh, do anatemohesh sepse atyre ndryshimi sistemit i rrezikon pushtetin dhe humbja e pushtetit i rrezikon jo vetëm pasurinë por edhe lirinë. Unë mbetem besimplotë që ne do ja dalim të sjellim ndryshim ligjor të sistemit në Shqipëri, më pas vendimarrja i takon shqiptarëve. Unë dua të garoj dhe dua të gjykohem me votë nga shqiptarët për punën time?, nënvizon Përmeti./ CNA.al