Connect with Us

Dokumentet/ Ben Blushi shtoi pasurinë një miliard lekë, me Rilindjen

Politikë

Dokumentet/ Ben Blushi shtoi pasurinë një miliard lekë, me Rilindjen

Publikuar

-

Një personazh i ardhur nga bota e medias, dhe përfunduar në politikë, që në një periudhë të shkurtër, gati një mandat i plotë i Rilindjes, mundi të shtojë pasurinë e tij me një vlerë tregu, prej të paktën 750 mijë eurosh.

CNA.al ka treguar sesi në vitin 2015, një biznesmen i shiti një pasuri në qendër të Korçës. Një ambient tregtar, biznesi, për një vlerë vetëm 30 mijë euro, ndërkohë që vlera e tregut në atë ambient shkonte rreth 500 mijë euro. Faturat e deklaruara janë për vetëm 30 mijë euro dhe prona është në emër të vajzës së tij, N. Blushi.

                  Prona në Korçë

Por, CNA.al ditët e fundit, pas disa ankimeve nga banorët e Dardhës, ka bërë një tjetër investigim. CNA.al ka zbuluar sesi pasuria e Blushit është shtuar edhe me 250  mijë euro të tjera.

Më poshtë shikoni një kontratë shit-blerje, të kryer tek noterja Zhulieta Mano, me numër 3331, në vitin 2001, ku Ben Blushi ble në Dardhë të Korçës, një pasuri për 12 milionë lekë të vjetra. Një pasuri me dy dhoma, e ndarë me korridor, pjesë e një prone të një shtëpie aty.

    Kontrata e shit-blerjes se prones ne Dardhe

Në atë kohë, Ben Blushi ishte prefekt i qarkut të Korçës, ku dhe më pas u zgjodh deputet.

Blushi filloi dhe investoi në atë shtëpi të vogël dhe më pas duke shfrytëzuar edhe hapësirat ligjore shkon dhe çon për proçedurë legalizimi gjatë kohës që kishte ardhur Rilindja në pushtet një sipërfaqe trualli, për gati 2 mijë metër katëror, në qendër të fshatit Dardhë.

Ka një përplasje dhe konflikt me banorët. Ata pretendojnë se ajo sipërfaqe nuk është e Ben Blushit, ka pronarë, ka trashëgimtarë. Ish-deputeti socialist, i kthyer në kryetar të LIBRA-s, dhe më pas i dështuar në politikë, siguron edhe një dokument nga Bashkia e Korçës, duke aplikuar për sistemime, siç do ta shikoni tek ky dokumenti këtu më poshtë dhe pasi e legalizon, sipas dokumentit të dhënë nga Kadastra Shqiptare, merr nga Bashkia e Korçës edhe dokumentin për sistemimin.

 Dokumenti i pronesise se truallit, i leshuar nga Kadastra

Pra, Ben Blushi, me proçedurë fillon të përfitojë një pasuri 2 mijë metër katëror, të cilën më pas fillon dhe e sistemon. Një truall i tillë në Dardhë të Korçës, do të kushtonte me një çmim për 100 euro metri katëror, në një nga perlat e turizmit shqiptar për të paktën 200 mijë euro. Dhe po të vëmë një vlerë shtëpisë, e gjithë pasuria në total shkon rreth 250 mijë euro.

             Prona ne Dardhe

Ben Blushi tashmë ka marrë në pronësi rrugën atje, një mrezhdë, siç quhet në gjuhën e pronave, të cilën tashmë pas lejes së siguruar nga Bashkia, po e sistemon.

LEXO EDHE:  Goditet grupi kriminal/ Arrestohen 6 persona që trafikonin emigrantë, i merrnin nga 100-300 euro

Banorët kanë kundërshtuar, Blushi është përplasur, pro kjo ka pak rëndësi. Duke përfituar nga pushteti, duke përfituar edhe nga fakti se aktualisht është drejtor i Top Channel dhe asnjë media nuk flet, ish-LIBRA i dështuar në politikë, tashmë ka publikisht të provuar, nga investigimet e bëra nga CNA.al se në vetëm katër vite ka mundur të përfitojë pasuri me vlera të paktën 1 miliardë lekë, ose rreth 750 mijë euro.

Këto janë dy prona të paluajtshme, njëra në Korçë dhe tjetra në Dardhë.

Këtu nuk po flasim për pasurinë e tij në kryeqytet. Nuk po flasim për rreth 300 milionë lekë të tjera, të cilat ndodhen në banka të nivelit të dytë në forma si bonus thesari apo miliona e miliona të tjera, të bëra nëpërmjet mënyrave sesi ai ka mundur të manipulojë pasurinë e tij.

Këtu nga pas fshihet edhe një pallat në kryeqytet, në emër të vjehrrit të tij, një ish-avokat, i cili ka mundur të përfitojë një pasuri disa miliona euro.

                          Pallati në Tiranë

Por, këto dy prona në Korçë, janë përfituar nga viti 2015-2019. Pra, në katër vite, në gati një mandat të Rilindjes, Ben Blushi ka fituar jo pak, por të paktën 750 mijë euro. Dy pasuri që vlejnë gati 1 miliard lekë, të cilat janë rreth 250 milion lekë pasuri të vëna në vit.

E duke sharë Rilindjen vit pas viti, e duke sharë Edi Ramën, duke shkuar edhe drejtor i Top Channel, duket se ish-“LIBRISTI”, tashmë me mjekër të gjatë, ka mundur të pasurohet në mënyrë të çmendur dhe pasurinë e tij edhe sot e kësaj dite, megjithë denoncimet e bëra publikisht nga politika, megjithë investigimet e bëra në media, megjithë publikimet e tjera nga politikanë, nga banorë të zonës që kanë shkuar dhe e kanë denoncuar, nga biznesmenë të cilët flasin më zë të lartë për pasuritë e padrejta të përfituara nga Blushi, prokuroria ende nuk hap asnjë hetim.

Në Korçë policia as që i shkon ndërmend të bëjë verifikimin e pronës. Të mbështesë banorët apo ta marrë dosjen dhe ta çojë në prokurori për të bërë verifikim sesi ka mundur ta përfitojë një pasuri rreth 2 mijë metër katëror, me vlerë rreth 200 mijë euro në mes të Dardhës.

Askush nuk flet, nuk thotë asgjë. Të gjithë përpiqen të fshihen. Banorët e Dardhës akuzojnë, media akuzon, ndërsa nga ana tjetër Ben Blushi, thjeshtë dhe vetëm shton opasurinë e tij çdo ditë me qindra e mijëra euro./ CNA.al

Video ekskluzive/ Ben Blushi sherr me banorët e Dardhës: Largohuni se jeni me virus  

Foto ekskluzive-Ben Blushi ndryshon pamjen/ Kopjon Ramën, Çimin dhe Sokol Ballën

Ekskluzive-Zbulohet gazetari oligark që ia kalon edhe Alfred Pezës

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. Ylli

    16 Maj, 2020 at 10:55 pm

    Ylliylli1980

Komentoni

Your email address will not be published. Required fields are marked *

Politikë

“Rama dhe Veliaj gënjyen”/ Ina Zhupa: 300 nxënës rrezikojnë vitin shkollor

Publikuar

-

Nga

“Rama dhe Veliaj gënjyen”/ Ina Zhupa: 300 nxënës rrezikojnë vitin shkollor

Zëdhënësja e PD, Ina Zhupa thotë se 300 nxënës dhe rreth 60 parashkollorë në fshatin Pezë Helmës rrezikojnë vitin shkollor.

Sipas saj shkolla e prishur nga tërmeti nuk është bërë gati për vitin e ri arsimor dhe ata duhet të shkojnë me 4 turne pasdite në shkollën e Vaqarrit.

“Edi Rama dhe Erjon Veliaj gënjyen, shkolla nuk u rindërtua në shtator siç kishin premtuar. Nxënësit e shkollës së Pezë Helmës megjithë premtimin se do ta kishin shkollën e tyre gati në shtator, të hënën mësimin do ta nisin me katër turne në shkollën e Vaqarrit. Unë isha në këtë shkollë dhe u takova me prindër dhe nxënës të kësaj shkolle. Gjatë bisedës ata më thanë se është krejtësisht e pamundur që të ndiqet procesi mësimor në Vaqarr pasi fëmijët me orare të ndryshme duhet të kenë në dispozicion një njeri për ti marrë e për ti çuar në Vaqarr me makinë pasi vetë fëmijët e kanë të pamundur. Vetë nxënësit thonë se e kanë të pamundur të ndjekin mësimin normal, pasi me katër turne do të përfundojnë mësimin pasdite në orën 20.00 dhe nuk kanë mundësi të kthehen vetë nga Vaqarri. Pasi dëgjova shqetësimet e banorëve bëra apel për një zgjidhje të kësaj situate, pasi ata në këto kushte rrezikojnë të mos shkojnë dot në shkollë. Kjo është një shkollë që ka mbajtur 300 nxënës dhe rreth 60 parashkollorë që studionin në ambientet e kësaj shkolle. Kjo shkollë ka një vit që është shkatërruar dhe është lënë në harresë nga shteti.
Ndërkohë që Edi Rama dhe Erjon Veliaj kanë premtuar që do të bënin rindërtimin dhe viti i ri shkollor nuk do të gjente askënd pa shkuar në bankën e shkollës tek shkollat e rindërtuara, ne kemi në fakt një vit të ri shkollor që na gjen pa as edhe një shkollë të rindërtuar”, shkruan Zhupa.



Ajo thekson se sot nuk është rindërtuar asnjë shkollë në të gjithë Shqipërinë, për t’i siguruar nxënësve vazhdimësinë e vitit te ri shkollor në kushte normale.

LEXO EDHE:  Përse të rinjtë e sotëm nuk shpenzojnë më para për makina dhe apartamente

LEXO EDHE:  Faktet që "kryqëzojnë" Ben Blushin/ Letra akuzë e biznesmenit drejtuar ambasadës të SHBA

“Janë lajmëruar se do të vazhdojnë në Vaqarr, Vaqarri është shumë larg me Pezë Helmësin dhe duhet transport publik ose makinë.
Është vendosur që nxënësit të bëjnë mësim me nga 20 min me 4 turne duke vazhduar deri në orën 8 të darkës. Pamundësi për edukim cilësorë dhe pamundësi që brenda klasave të merret dija, të bëhen pyetjet e nevojshme nga nxënësit që duan të shkollohen dhe të marrin dije për jetën por më e keqja është se si familjet e tyre do ta përballojnë çuarjen e fëmijëve në këto shkolla dhe kthimin nga shkolla”, përfundon Zhupa./CNA.al

LEXO TE PLOTE

Politikë

Zbulohet emri/ Deputeti i LSI-së futi pedofilin Abaz Doga, si roje nate në gjimnazin “Gramoz Palushi”

Publikuar

-

Nga

Zbulohet emri/ Deputeti i LSI-së futi pedofilin Abaz Doga, si roje nate në gjimnazin “Gramoz Palushi”

Në kaudër të hetimeve që po kryen prokuroria e Tiranës, lidhur me rastin e pedofilit Abaz Doga, i cili abuzoi seksualisht disa herë me një nxënëse të gjimnazit “Gramoz Palushi” në Paskuqan, janë sekuestruar një sërë dokumentash, që tregojnë intenerarin e futjes në punë, të këtij manjaku seksual.

Dokumentat që kemi arritur të sigurojmë, nga dosja e prokurorisë së Tiranës, tregojnë qartë se Abaz Doga, ka hyrë në shërbim si roje shkolle fillimisht në vitin 2002, atëherë kur Drejtoria Arsimore e Rrethit Tiranë, drejtohej nga drejtori, Ramazan Gjuzi, sot deputet i Lëvizjes Socialisjte për Integrim në Parlamentin Shqiptar. Dokumenti i parë i firmosur nga Ramazan Gjuzi, mban datën 11 korrik 2002, ku pedofili Abaz Doga, është emëruar prej tij si puntor provizor, roje shkolle. Abaz Doga, emërohet me një afat 5 mujor në shkollën e mesme të bashkuar Babrru, të ish-komunës Paskuqan.

Sot që flasim kjo shkollë është pikërisht gjimnazi, “Gramoz Palushi”, që momentalisht drejtohet nga Abaz Hoxha, aty ku dhe plasi skandali i pedofilisë mes Abaz Dogës dhe nxënëseve të mitura. Prezencën si roje nate në këtë gjimnaz, e ka deklaruar në prokurori dhe vetë pedofili i arrestuar, për akuzën e “Kryerjes së marëdhënies seksuale me të mitur”. Por çuditërisht, drejtori i shkollës Abaz Hoxha, vijon të jetë ende në detyrë dhe askush nga Ministria e Arsimit,nuk është me këtë skandal të rëndë.

 Mandej pas përfundimit të afatit 5 mujor, sërisht ka qënë Ramazan Gjuzi, sot deputet i LSI-së, që në datën 12 dhjetor 2002, e ka emëruar sërisht puntor në të njëjtin gjimnaz, duke i rinovuar afatin e emërimit dhe me 5 muaj të tjerë. Ky cikël rinovimesh, ka vijuar për vite me rradhë, ku Abaz Doga, herë ka shërbyer si roje shkolle tek 9-vjeçarja “Azem Hajdari”, herë tek gjimnazi “Gramoz Palushi” dhe një periudhë kohe ka shërbyer si roje nate, tek shkolla “Lidhja e Prizrenit” në Babërru,Paskuqan.



Doga përgjatë këtyre 18 viteve është orvatur, sa në njërën shkollë në tjetrën, dhe askush nuk kishte asnjë dijeni se çfarë raporte me nxënësit dhe mësuesit kishte ky personazh që qëndronte brenda dhe jashtë ambjenteve të shkollës. Por me sa duket, marëdhëniet që kishte krijuar me drejtorët e shkollave, e mbajtën në detyrë derisa, u zbulua skandali seksual, me abuzimet që ai kryente me nxënëset e gjimnazit “Gramoz Palushi”. Madje shkak për shkarkimin e tij nga detyra, siç thuhet në një shkresë të bashkisë Kamëz, nuk u bënë as drejtorat e shkollave, por dhe as skandali seksual që solli arrestimin e Abazit.

LEXO EDHE:  Çadra që riktheu qytetarët te PD/ Si mund ta shporrin Basha-Blushi demonin e autoritarizmit

LEXO EDHE:  Video/ Korça kthehet në stallë kuajsh

Por sipas shkresës, shkaku i largimit nga puna ishte “dalja në pension” i Abaz Dogës, vendim i cili është firmosur nga kryetari i bashkisë, Kamëz, Rakip Suli, në datën 27 maj 2020. Pagesa mujore e Abaz Dogës, si roje shkolle, për çudi ka qënë sa e një profesori universiteti, ku për vitet nga janari 2012 deri në nëntor 2015, Abaz Doga është paguar nga Zyra Rajonale e Arsimit Kamëz, fillimisht me pagën bruto prej 54,970 lekë të reja, duke vijuar deri në vitin 2015 me pagën bruto prej 60,719 lekë të rinj.

Në dokumentacionin që zoterojmë rezulton se Abaz Doga, në muajin dhjetor 2015, ka hyrë në borderonë e Bashkisë Kamëz, pasi një pjesë e punonjësve të institucioneve shtetërore si roje, edukatore dhe pastruese i kaluan me VKM pushtetit lokal. Në dhjetor 2015, periudhë kur bashkinë e Drejtonte Xhelal Mziu i PD, pedofili Abaz Doga, vijonte të paguhej me pagën mujore bruto 60,719 lekë të reja. Ka pasur 1 muaj, kur Abaz Doga, është paguar dhe 29,688 lekë të reja por dhe një muaj në shkurt 2018, kur Doga është paguar në shumën prej 68,880 lekë të reja.

Pagesa e fundit për Abaz Dogën, rojen pedofil të dy shkollave në Kamëz, ka kaluar në muajin Maj 2020, në shumën prej 49,357 lekë të reja bruto. Pikërisht në ditët e fundit të muajit Maj, Doga së bashku me tre persona të tjerë që dyshohet të kenë abuzuar seksualisht me nxënësen 15-vjeçare, është arrestuar nga policia dhe prokuroria e Tiranës./CNA.al

LEXO TE PLOTE

Politikë

Veliaj inaguroi shkollën “Jeronim de Rada”/ Vokshi ngre shqetësimin: 1/4 e mësuesve me Covid

Publikuar

-

Nga

Veliaj inaguroi shkollën “Jeronim de Rada”/ Vokshi ngre shqetësimin: 1/4 e mësuesve me Covid

Ish deputetja e PD, Albana Vokshi ka reaguar pas inagurimit të shkollës “Jeronim de Rada” nga kryebashkiaku Erion Veliaj.

Sipas Vokshit, në ceremoninë e inagurimit nuk kishte mësues, nuk kishte as prindër, pasi në shkollën de Rada është përhapur masivisht COVID-i.

Ish deputetja thotë se Veliaj, ka përjashtuar nga ceremonia sot të gjithë mësuesit që kanë patur kontakt të afërt me mësuesit e infektuar për të mos rrezikuar asgjë vetë.

Mes të tjerash Vokshi thekson se mësuesit që kanë patur kontakt me ata që janë infektuar janë urdhëruar të dalin nesër të japin mësim, pa iu bërë testi, pa qenë të sigurtë.

“Disa momente më parë në shkollën de Rada ishte Erion Veliajn për të inauguruar një shkollë të rikonstruktuar me fondet e shtetit mik të Katarit. Aty nuk kishte mësues, nuk kishte as prindër, pasi në shkollën de Rada është përhapur masivisht COVID-i. Propaganda kriminale e dyshes Rama-Veliaj nuk mund të fshehë problemin kryesor sot me shkollat, një ditë përpara fillimit të vitit të ri shkollor, se shkollat publike janë masivisht të papërgatitura për të përballuar pandeminë dhe se fëmijët dhe mësuesit janë në mëshirë të fatit.

Mbrëmë në orët e vona të natës pranë grupit te punes prane PD te ngritur nga Kryetari Lulzim Basha kanë ardhur disa denoncime e shqetësime në lidhje me këtë çështje. Në shkollën de Rada, fatkeqësisht, janë rreth 10 mësues që kanë rezultuar pozitivë me covid. Kjo është 1/4 e stafit mësimor. Është një situatë alarmante që do të vinte në lëvizje çdo qeveri në botë, por jo këtë tonën, e cila kërkon të bëhet vetëm shoë dhe të fshehë paaftësinë e saj.



Çfarë e bën gjendjen më skandaloze është pashpirtësia e kryebashkiakut të Tiranës. Ai ka përjashtuar nga ceremonia sot të gjithë mësuesit që kanë patur kontakt të afërt me mësuesit e infektuar për të mos rrezikuar asgjë vetë. Po për fëmijët e kësaj shkolle a tregohet i njëjti kujdes? As që bëhet fjalë! Mësuesit që kanë patur kontakt me ata që janë infektuar janë urdhëruar të dalin nesër të japin mësim, pa iu bërë testi, pa qenë të sigurtë. Këto janë dy standardet e këtij pushteti. Për vete siguri maksimale, për fëmijët e të tjerëve dhe mësuesit asnjë kujdes.

LEXO EDHE:  Përse të rinjtë e sotëm nuk shpenzojnë më para për makina dhe apartamente

LEXO EDHE:  Një grua në krye të Gjykatës së Lushnjes/ Zbardhet pasuria e Esmeralda Çekajt

Për PD jeta dhe shëndeti i çdo nxënësi, i çdo mësuesi është e shenjtë. Shkolla Jerenim de Rada nuk duhet hapur nesër. Le të vijë prapë Veliaj dhe Rama ta inaugurojnë, por nxënësit dhe mësuesit duhen kursyer. Ministria duhet të marrë masat që një shkollë me gjendje të rënduar nga COVID të mos nisë pa bërë testimin e mësuesve dhe pa u siguruar për ta.

Rasti i shkollës de Rada provoi se kërkesa e Kryetarit të Partisë Demokratike Lulzim Basha për testim masiv të mësuesve është kërkesë e drejtë dhe urgjente. Testimi covid dhe serologjik do të evidentojë zonat e infeksionit dhe do të japë mundësi të izolojë përhapjen e virusit nga mësuesit tek nxënësit dhe nga nxënësit tek prindërit dhe gjyshërit. Testimi nuk i kushton shumë qeverisë. Mjafton që ajo të heqë dorë nga disa lukse të saj. Për rreth 40 mijë mësues dhe punonjës më shkolla në të gjithë vendin duhen vetëm 1.6 milionë euro. Është një investim minimal për sigurinë e shëndetit të mësuesve, të nxënësve dhe familjarëve të tyre. 1.6 milionë euro testime për shkollat janë sa disa udhëtime me charter të Edi Ramës dhe ndonjë koncert i Erion Veliajt.

Qeveria duhet të heqë dorë nga lënia e përgjegjësisë vetëm tek prindërit siç po bën me Formularin e Deklarimit të përditshëm për gjendjen shëndetësore të fëmijëve. Ka akoma kohë që qeveria të marrë masat e duhura.

• Të vendosë matës dixhital temperature në çdo shkollë të vendit
• Të sigurojë kushte normale higjenike dhe ujë të rrjedhshëm
• Të bëjë testin covid dhe atë serologjik për mësuesit
• Të rrisë numrin e mësuesve për zhvillimin normal të procesit mësimor. Mësimi me disa turne nga të njëjtët mesues është rraskapitës dhe do të ndikojë për keq në cilësinë e mësimdhënies.
• Të rrisë shpërblimin për mësuesit që po punojnë në kushte të jashtëzakonshme.

Shëndeti i çdo fëmije dhe mësuesit është prioritet për PD. Por ai duhet të shkojë paralel me cilësinë në arsim, në mënyrë që në Shqipëri të mos rritet një brez COVID”, tha Vokshi në një dalje për mediat./CNA.al

LEXO TE PLOTE