E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Shembja e Teatrit/ Topollaj tregon votimin e pazakontë në Këshillin Bashkiak

15 Maj 2020, 18:09, Politikë CNA

Këshilli i Bashkisë së Tiranës miratoi dje vendimin për shembjen e godinës së Teatrit Kombëtar për t?i hapur rrugën ndërtimit të një objekti të ri. Mbledhja është zhvilluar online, ndërsa votimi është kryer me një procedurë të pazakontë.

Mazhoranca kontrollon 60 nga 61 anëtarët e Këshillit Bashkiak. I vetmi këshilltar opozitar, Fabjan Topollaj tregon se nuk ka pasur diskutime për këtë çështje dhe se kryebashkiaku është mjaftuar me votën pro dhe kundër të anëtarëve të Këshillit Bashkiak me anë të email-it.

?Erion Veliaj ka miratuar dje, vendimin për prishjen e godinës pa iu nënshtruar një debati të paktën në Këshillin Bashkiak. Kjo është një çështje shumë e ndjeshme për opinionin publik dhe minimalisht duhej bërë debat në këshill, pasi e mira do të ishte të kishte një debat publik. Mbledhja është zhvilluar online, ndërsa votim quhet dërgimi me email i votës pro ose kundër për shembjen e godinës?, deklaroi z. Topollaj.

Ai propozon si zgjidhje mbajtjen e një referendumi, ku qytetarët të shprehen nëse janë pro apo kundër shembjes së godinës së vjetër të Teatrit Kombëtar, por thotë se një gjë e tillë ka shumë pak mundësi që të ndodhi.

?Ideja ime është që të jenë qytetarë që të vendosin mbi shembjen. Erion Veliaj ka shmangur debatin dhe në këshill dhe mundësia për një referendum duket shumë e largët dhe idealiste?, deklaroi Topollaj gjatë një interviste për Euronews Albania.

Të hënën është parashikuar mbajtja e një tjetër mbledhje të Këshillit Bashkiak, ku këtë herë do të diskutohet mbi projektin e re të Teatrit Kombëtar. Ende nuk dihet nëse do të veprohet në të njëjtën mënyrë siç u bë për shembjen apo nëse këtë herë do të ketë debat.
Sa i takon vendimit për shembjen e godinës ekzistuese, z. Topollaj duke shpjeguar procedurën ligjore tha se, vendimi do të duhet të konfirmohet nga Prefekti dhe më pas hyn menjëherë në fuqi duke qenë se është akt individual dhe më hyrje në fuqi Bashkia mund të procedojë me prishjen e objektit.