web counter
LEXO PA REKLAMA!

SHKARKO APP

App Store
Google Play

Vendimi i KLGJ/ Meta: Nuk kam marrë përgjigje, çështja e Dvoranit të zgjidhet për 24 orë

5 Maj 2020, 19:42, Politikë CNA

Presidenti Ilir Meta ka folur për vendimin e KLGJ-së lidhur me përfundimin e mandatit të kreut të KED, Ardian Dvorani.

Meta tha se sipas dijenisë së tij, KLGJ ende nuk ka marrë asnjë vendim, pasi theksoi se nuk ka marrë përgjigje zyrtare nga ky institucion. Kreu i Shtetit deklaroi se kjo çështje duhet zgjidhur brenda 24 orëve.

“Së pari unë nuk kam parë ndonjë vendim. Së dyti mendoj se kjo është nga çështjet më të thjeshta në botë dhe nuk duhet të ishte vënë në lëvizje nga presidenti me këtë shkresë. Kjo çështje dhe të ishte zgjidhur për 24 orë, pas emërimit të z. Sadushi në Gjykatën e Lartë. Për mua kjo është një çështje elementare. Edhe një student që ka marrë 5 në fakultetin e Drejtësisë e zgjidh.

Unë skam marrë përgjigje akoma. Pres përgjigje. Nuk i kam dërguar asnjë kërkesë ndërkombëtareve apo OJQ-ve ndërkombëtare. Ne e shkelim vetë kushtetutën për radhën e gjyqtarëve të Gjykatës Kushtetutës, jo për këtë rast. Unë i kam bërë një shpresë zyrtare KLGJ-së. Nuk duhet ta bëja unë, pasi kjo çështje duhet të zgjidhet 24 orë pas emërimit të z. Sadushi. Tani janë tashmë 3 gjyqtarë, ndërsa mandati i katërt i takonte z. Zakanjori. Unë pres përgjigje nga KLGJ. Jam i qetë!”, nënvizoi Meta në emisionin “Tempora”./ CNA.al





Lajmet e fundit nga