web counter
LEXO PA REKLAMA!

SHKARKO APP

App Store
Google Play

Basha publikon videon me 8 pika/ Ultimatim Ramës

17 Mars 2020, 16:16, Politikë CNA

Kryetari i opozitës Lulzim Basha ka publikuar një video me 8 pikat e propozuara nga opozita për përballimin e krizës dhe për t’i ardhur në ndihmë familjeve në nevojë, sipërmarrësve të vegjël dhe punëtorëve.

Basha thotë se detyra e parë e qeverisë duhet të jetë shëndeti i shqiptarëve dhe po kështu, ndihma për qytetarët dhe për ekonominë.

“Shëndeti, siguria dhe ekonomia e njerëzve, janë shqetësimi ynë. Është e papërgjegjshme dhe jo njerëzore të sulmosh ditë e natë opozitën, në një kohë kur të gjitha energjitë duhen fokusuar për tu ardhur në ndihmë njerëzve. Çdo masë që kemi propozuar është realiste dhe e zbatueshme nëse ka mirëmenaxhim, kompetencë dhe transparencë. 120 milionë euro që shkojnë dëm me koncesionet e oligarkëve, duhet të angazhohen urgjentisht për mbështetje sociale, për fonde shtesë për shëndetësinë si dhe për mbështetje fiskale dhe financiare për bizneset që sot kanë mbyllur dyert.

Jeta nuk ka çmim, sulmet bajate kundër opozitës nuk ofrojnë asnjë zgjidhje. Me batuta nuk qeveriset vendi, nuk ushqehen njerëz, nuk shpëtohen biznese dhe nuk rimëkëmbet ekonomia. Ndaj do të vazhdoj pa u lodhur ti bëj thirrje qeverisë, që për hir të të gjithë shqiptarëve, të lërë mënjanë luftën politike, dhe të vërë interesat e njerëzve të parat”, shkruan Basha në rrjetet sociale, ndërkohë që i bën thirrje kryeministrit Edi Rama për t’i marrë këto masa me efekt të menjëhershëm./ CNA.al





Lajmet e fundit nga