LEXO PA REKLAMA!

SHKARKO APP

2019-a po na lë me një botë të përçarë

1 Janar 2020, 10:30, Blog CNA
2019-a po na lë me një botë të përçarë

Nga Alessandro Pascolini ?Galileo One?

Gjatë vitit që po lëmë pas, kemi parë një erozion të vazhdueshëm të tolerancës së ndërsjellë midis shteteve, e cila është e domosdoshme për një bashkëjetesë paqësore dhe siguri globale. Ndërkohë, janë forcuar qëndrimet shoviniste dhe izolacioniste të komuniteteve, që duan të jenë gjithnjë e më homogjene.

Ngjarjet shokuese të ditëve të fundit, kanë qenë mbështetja e madhe për Brexit, e konfirmuar nga zgjedhjet e fundit parlamentare në Britani, dhe dështimi i Konferencës së Madridit mbi ndryshimet e klimës. Por edhe ngjarje të tjera, që kanë pasur më pak vëmendje ndërkombëtare, e rikonfirmojnë e këtë prirje të rrezikshme.

?Erërat? e intolerancës

Më 11 Dhjetor 2019, Dhoma e Lartë e parlamentit në Indi, miratoi një ligj që rregullon statusin e emigrantëve nga Afganistani, Bangladeshi dhe Pakistani me fe të ndryshme, për sa kohë që ata nuk janë myslimanë. Megjithëse ligji nuk prek direkt indianët muslimanë, kjo pakicë e madhe ndjehet gjithnjë e më shumë e diskriminuar nga qeveria aktuale, e cila nën kryeministrin

Narendra Modi po ndjek një politikë të ashpër nacionaliste.

Po atë ditë në Hagë, padia për gjenocid e Gambias (në emër të 57 vendeve islamike) kundër Mianmarit, për përsekutimin e popullatës Rohinga në Gjykatën Ndërkombëtare të Drejtësisë, u rrëzua në favor të lideres së Mianmarit, Aung San Suu Kyi. Kjo e fundit ka qenë fituese e Çmimit Nobel për Paqen në vitin 1991, për rezistencën e tij ndaj regjimit ushtarak birmanez. Por sot mbron forcat e armatosura të vendit ndaj akuzave për dhunë dhe shtypje të pakicës myslimane. Për të ajo ishte një ?dhunë ndër-komunitare?, veprime kundër ?rebelëve dhe terroristëve?, dhe një ?përdorim jo-proporcional i forcës?.

2019, gara e re e armëve zhvillohet këtë herë në hapësirë

2019-a ishte gjithashtu një vit veçanërisht bujar me industrinë ushtarake në përgjithësi dhe forcat e armatosura, të cilat kanë pasur një rritje të konsiderueshme të burimeve financiare. Një garë shumëpalëshe e armëve ka rifilluar në të gjithë sektorët:mbi armët strategjike bërthamore, armë interaktive dhe taktike, armët sulmuese dhe mbrojtëse jo-bërthamore, sistemet ??ushtarake hapësinore dhe kibernetike, armë lazer dhe raketat hipersonike , drone anti-nëndetëse, bashkë me risitë në të gjitha sistemet mbështetëse.

Me krijimin më 20 dhjetor të këtij viti të forcës së re hapësinore amerikane (Space Force), e cila i bashkohet ushtrisë, marinës, forcës ajrore dhe marinsave amerikanë), hapësira shndërrohet qartazi në një fushë e re të konfrontimit ushtarak. Nga ana tjetër, po shpërbehet arkitektura e kontrollit të armëve, e ndërtuar dikur me aq shumë mund.

Pas skadimit të Traktatit të Raketave me Rreze të Ndërmjetme, Rusia dhe SHBA-ja kanë nxituar të zhvillojnë raketat dikur të ndaluara. Ndërkohë, kemi tërheqjen e Shteteve të Bashkuara nga marrëveshja mbi programin bërthamor Iranian, çka e ka nxitur Teheranin të rifillojë  veprimtaritë e ndaluara.

Kjo situate, ka vështisuar ndjeshëm takimet përgatitore të konferencës tjetër, që synon të rishikojë traktatin e mos-përhapjes së armëve bërthamore. Gjithashtu, ka një rezistencë të hapur ndaj universalizimit të konventave kundër armëve biologjike dhe kimike, si dhe ndaj ndalimit të plotë të testeve bërthamore. Ngërçi në punën parapërgatitore të konferencës së ç?armatosjes, si dhe mosbesimi amerikan për zgjatjes së marrëveshjes NEW START, tregojnë se viti 2020 që po vjen, do të jetë më së paku i zymtë./ Përshtatur nga CNA.al

Lajmet e fundit nga