web counter
LEXO PA REKLAMA!

SHKARKO APP

App Store
Google Play

Tronditet politika shqiptare/ 400 pushtetarë të dyshuar për pastrim parash

26 Shtator 2018, 06:58, Aktualitet CNA

Ndërkohë që pak ditë më parë në media u raportua se ka nisur verifikimi për pastrim parash për 400 politikanë shqiptarë, kryesisht deputetë dhe familjarë të tyre, ndërkombëtarët kanë nisur të bëjnë gati dosjet për të korruptuarit.

Pak ditë më parë, kryetarja e LSI, Monika Kryemadhi deklaroi se ishte një vendim qeverie që detyronte bankat të verifikonin 400 emra, por gazeta Sot shkruan se bëhet fjalë për një proces bashkëpunimi mes Drejtorisë së Përgjithshme të Pastrimit të Parave dhe Bankës së Shqipërisë, për të kaluar në sitë 400 pushtetarë të lartë dhe familjarët e tyre.

Një burim nga DPPPP tha se ky projekt po realizohet dhe në bashkëpunim me ndërkombëtarët. Përfaqësues të BE, SHBA dhe Gjermanisë kanë kërkuar nga kjo drejtori të dhëna për pasuritë e politikanëve, gjyqtarëve, prokurorëve dhe krerëve të bandave. Vetë Drejtoria e Pastrimit të Parave ka vënë në dispozicion të tyre me dhjetra dosje, ndërkohë që tani çdo informacion i grumbulluar për 400 emrat në fjalë do jetë në dispozicion të tyre. Burime të gazetës thanë se verifikimi po bëhet për dy aspekte. Së pari po kontrollohen destinacionet se ku politikanët dhe të afërm të tyre dërgojnë paratë.

Dhe e dyta, ky proces po bëhet për të evidentuar nëse kanë apo jo lidhje me botën e krimit. DPPPP të gjithë të dhënat, në momentin që zbulon shkelje, ja dërgon njësisë ?Forca e Ligjit?, por njëkohësisht informohen dhe vendet partnere. Gjatë kohës që ministri gjerman Maas ishte në Tiranë javën e shkuar, ai në takimin që pati me përfaqësues të komisioneve të vetingut, ja u bëri të ditur se Gjermania e ka listën e të korruptuarve dhe nëse amnistohet dikush që nuk e meriton, ata do ndërhyjnë përmes ONM. Kjo do të thotë se SHBA dhe Gjermania po bëjnë gati dosjet për të korruptuarit shqiptarë dhe në momentin që SPAK do ngrihet, atëherë të 400 këta emra do kalojnë në sitë nëse janë vërtet të përfshirë në pastrim parash.





Lajmet e fundit nga