E fundit!

11:02 Politikë

Përplasjet dhe tensionet në mbledhje/ Pas Tabakut, dorëhiqen dhe dy anëtarë të Kryesisë

Pas deputetes Jorida Tabaku kanë dhënë dorëheqjen dhe dy a...

Investigimi/Skandal në PD, 30 sharësa me pagesë për rrjetet sociale

2 Maj 2017, 17:38, Aktualitet CNA

Rrjetet sociale janë një fushë ku partitë politike kanë filluar betejat e tyre. Në rrjete sociale mund të krijosh frymë, të hapësh debate, të mbledhësh opinione, me profile fallco mund të shash, fyesh dhe sulmosh këdo që ke frikë t?ia thuash zyrtarisht dhe publikisht. Për më tepër s’ke asnjë përgjegjësi penale.

Citynews ka sjellë edhe më parë informacione në lidhje me grupet që përdoren nga partitë politike për të shkruar dhe sulmuar këdo që do kryetari apo disa drejtues në parti.

Profilet fallco dhe disa individë të instruktuar janë mënyra më e mirë për të intimiduar dhe fyer ata që nuk i mund dot me argumenta dhe fakte.

Citynews po sjell sot investigimin me strukturën e fake profile dhe sharësave me pagesë në selinë e PD. Më tej do sjellim edhe ata të PS, LSI dhe çdo force që përdor të njëjtën formë.

Në PD ekziston një zyrë e strukturuar që merret vetem me profile fallco dhe sharje në rrjetet sociale. Kjo zyrë ndodhet në katin e dytë të selisë së demokratëve.

Citynews mblodhi shumë informacione dhe të dhëna në lidhje me këtë strukturë të padeklaruar të demokratëve që përdoret vetëm për rrjetet sociale.

Për herë të parë kjo formë është përdorur në vitin 2011 në fushatën e Lulzim Bashës, atëherë struktura ishte e fshehur tek dy kullat përballë Piramidës, sot ajo ndodhet në katin e dytë të selisë së demokratëve.

Struktura përbëhet nga rreth 30 të rinj të cilët përdorin vetëm profile fallco dhe sulmojnë në rrjete sociale. Përdorin shumë marifete duke denoncuar faqe e profile të ndryshme, duke sulmuar kundërshtarët politikë, por edhe zërat ndryshe brenda PD. Lumi i akuzave sharjeve dhe fyerjeve vjen me shpejtësi sapo jepet urdhri.

Dikur punonin 4 orë në ditë, sot punojnë 5 orë, të rinjtë janë me turne.

Struktura komandohet nga njërëz afër Lulzim Bashës, por jashtë strukturave të PD. Personi urdhërues komunikon me dy përgjegjësat që janë E.SH dhe E.H. dy të rinj militantë të PD që bëjnë detyrën e përgjegjësit, marrin komandat dhe japin udhëzimet për sulmet që duhet të bëjnë vartësit e tyre.

Të rinjtë paguhen me një rroge prej 20 mijë lekë të reja në muaj, kjo është shuma që përfitojnë sipas orareve të punës.

Zyra e këtyre personave funksionon prej disa muajsh dhe pritet të jetë një armë e fortë gjatë zgjedhjeve.

Disa kampe të tjera do të jenë përballë tyre gjatë zgjedhjeve, struktura sharësish për rrjetet sociale dhe për të mbështetur kryetarin e partisë, duke sulmuar ata që e kritikojnë.

Citynews do sjellë të tjera informacione në lidhje me këtë strukturë, por edhe atë që përdor Partia Socialiste dhe forca të tjera politike. /CityNews