Pse Belind Këlliçi?

12 Nëntor 2015, 17:24, Aktualitet CNA
Pse Belind Këlliçi?

Të qënit ndryshe?   

Jemi mësuar të dëgjojme teori por që për fatin tonë të keq nuk janë vënë asnjëherë në funksion për të përmirësuar realitetin e vështirësitë që rinia shqiptare has çdo ditë.

E si mund të jesh ndryshe kur kërkon të vishesh me petkun e pushtetit vetëm e vetëm për të arritur aty ku do të duhej kohë për të arritur?

Dikush po na mëson që rruga e gjatë është ajo që të sjell kënaqësi dhe një rezultat pozitiv e afatgjatë.

Ai, inspirimi ynë është njëri nga ne, i barabartë me ne, shumë herë më i duruar sesa ne. Na dëgjon për të na kuptuar e jo për të na kthyer përgjigje, mëson nga ne sikurse dhe ne nga ai. Së bashku po rritemi cdo ditë, në harmoni te plotë e paqe e cila fare spontanisht na bën produktiv për të dhënë më të mirën e mundshme nga vetja.

E si mund të ecim përpara , kur kemi ende rudimente nga  e shkuara?

Natyrisht nuk mund të mohojmë të shkuarën, s?mund të mohojmë andej nga vijmë por nuk mund ta përdorim atë në favorin tonë sepse në këtë garë të gjithë jemi të barabartë.

Nuk mund të lëmë pa përmendur faktin që ne të rinjve që mbështesim politikën e drejtë të Belos na shqetëson pabarazia që ndeshim gjatë rrugëtimit të garës.

Shpirti rinor dhe i pastër, duhet të përçojë po atë mirësi dhe sinqeritet edhe në sfida. Komandat sikur të qenurit ushtarë, sado më përpjekje e sforco të zbatohen, kurrsesi nuk mund të çojnë në arritjen e qëllimin nga i cili varet e ardhmja, varet shpresa! Fort besoj në ndërgjegjësimin e bashkëmoshatarëve të mi, në njohjen dhe mbrojtjen e personalitetit të tyre duke mos lënë askënd tja preke e cënojë.
Mendohet se të gjithë kandidatët janë të barabarë në garë, mendohet që të gjithë duhet të hiqnin dorë nga ofiqet e tyre në Partinë Demokratike po realisht e kemi këtë gjë nga të gjithë kandidatët?

Po me krenari them po, është njëri prej tyre, i cili hoqi dorë nga Departamenti i të Përndjekurve Politikë dhe Pronarëve për tu barazuar me ne, ai është Belindi.

Pa pretenduar për të përdorur asnjë fije pushteti, siç edhe mund të ndodhë në përpjekje për të blerë dinjitetin rinore kundrejt votës, Belo na mëson shijen e mirë të të garuarit ndershëm dhe me fisnikëri.

Për Belon politika është pasion, nëse diçka nuk e bëjmë me dëshirë më mirë mos e marrim përsipër ta nisim, kreativiteti i tij dhe vizioni për FRPD do të ndryshojë mënyrën e të bërit politke, do të afrojë të rinjtë jo sepse u ofrohet diçka në këmbim por sepse do të kenë dëshirë të jenë ndryshimi që duam  të shohim.

Në një demokraci çfarë mendojnë njerëzit e zakonshëm është e rëndësishme.Të rinjtë janë idealistë, ata mund të jenë veçanërisht shtylla e demokracisë. Një angazhim pozitiv ndaj vlerave demokratike është e një rëndësie thelbësore për një të ardhme të shëndetshme dhe të suksesshme.

Së bashku, ne duam ta shohim Shqipërinë ndryshe, ku mbizotëron meritokracia.

Modelin më të mirë e kemi, të bëhemi pasqyra sociale e tij, të reflekotojmë vlera në shoqëri, ne duhet ta nisim që sot.

Unë përçoj vlerat e tij kudo që shkoj, i motivoj miqtë dhe të afërmit e mi, Shqipëria duhet të bëj para, por me njerëz si Belo, të qartë në atë cfarë duan dhe transparent në punën e tyre.
T?i japim rinisë zë dhe shpresë!

Autorë: Klejti Kalaja,Anxhela Malko,Demokrat Nela

Lajmet e fundit nga