E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Liria e Medias/ Avokati i Popullit: Mediat punojnë në klimë jo të favorshme

3 Maj 2015, 16:01, Aktualitet CNA

Avokati i Popullit, Igli Totozani u shpreh sot në Ditën Ndërkombëtare të Lirisë së Medias se media në Shqipëri pengohet të bëjë punën e saj pasi funksionon në një klimë jo të favorizueshme. Sipas tij, ky shkak ndikon në dëmtimion e rolit dhe kontributit të medias në shoqëri. Avokati i Popullit Totozani shprehet se pavarësisht vështirësive, pjesa e përgjegjshme e medias shqiptare ia ka dalë të përmbushë rolin e saj si garante e qytetarit përballë arbitraritetit dhe padrejtësisë.

?Një media e lirë është garanci e pazëvendësueshme e demokracisë dhe e të drejtave të njeriut. Në Shqipëri liria e medias sanksionohet në Nenin 22 të Kushtetutës dhe megjithë vështirësitë e njohura me të cilat përballemi të gjithë përfshirë gazetarët, pjesa e përgjegjshme e medias shqiptare ia ka dalë në jo pak raste të përmbushë rolin e saj si garante e qytetarit përballë arbitraritetit dhe padrejtësisë.? deklaron ndër të tjera Totozani.

Ndërsa vijon deklaratën e tij:

?Por megjithëse Shqipëria ka bërë përparim sa i takon lirisë se medias, ajo mbetet në kategorinë e vendeve me liri të pjesshme – sipas konkluzioneve të indeksit për lirinë e shtypit në botë, të publikuar së fundmi nga organizata ?Freedom House?.

Ne këtë dokument ne renditetemi ne pozicionin e 96 nga 197 vende, me dy pikë më shumë se vitin e kaluar, por pavarësisht kësaj mediat në Shqipëri vazhdojnë të punojnë në një klimë, e cila nuk favorizon mjaftueshëm lirinë e tyre, duke dëmtuar këshu rolin dhe kontributin e tyre të pazëvendësueshëm në shoqëri.

Duke uruar më të mirën për miqtë tanë gazetarë Avokati i Popullit, z.Igli Totozani dëshiron të theksojë se komuniteti i medias si deri tani edhe në të ardhmen do të gjejë tek ne një derë të hapur për bashkëpunim, një institucion që do të punojë për sigurinë dhe garantimin e një klime të favorshme për lirinë e shprehjes dhe të drejtën e informimit.? përfundon ai.