web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Stadiumet për Europianin U-21, FSHF nis punimet

24 Maj 2026, 14:29, Sport CNA

VIDEO/ Stadiumet për Europianin U-21, FSHF nis punimet

Federata Shqiptare e Futbollit ka nisur zyrtarisht punimet në terrenet stërvitore që do të shërbejnë për finalet e Kampionatit Europian U-21 2027, turne që do të zhvillohet në Shqipëri.

Ky projekt përfaqëson një tjetër hap të rëndësishëm në përgatitjet infrastrukturore për organizimin e një prej eventeve më të mëdha sportive që do të mirëpresë vendi ynë.

Terreni i parë ku kanë nisur ndërhyrjet është stadiumi “Niko Dovana” në Durrës, ku po kryhen punime të specializuara për përmirësimin e tapetit, sistemit kullues dhe kushteve të përgjithshme infrastrukturore, në përputhje me standardet e kërkuara nga UEFA. Punimet në këtë impiant pritet të zgjasin rreth një javë.

Ndërhyrjet do të vijojnë gradualisht edhe në terrene të tjera stërvitore dhe komplekse sportive në vend, mes tyre fusha pranë Marinës Detare, kompleksi “Skënder Halili”, “Shtëpia e Futbollit”, stadiumi i Egnatias, kompleksi sportiv në Elbasan si edhe ambiente të tjera që do të jenë pjesë e hartës organizative të UEFA U-21 EURO 2027.

Përmes këtij projekti, FSHF synon jo vetëm përmbushjen e kritereve organizative për zhvillimin e Kampionatit Europian U-21, por edhe lënien e një trashëgimie të rëndësishme infrastrukturore për futbollin shqiptar. Investimet në terrenet stërvitore dhe stadiume do të ndikojnë drejtpërdrejt në përmirësimin e kushteve për klubet, akademitë dhe ekipet kombëtare në të gjithë vendin.

Procesi i rikonstruksionit dhe përgatitjes së terreneve do të vijojë sipas planit deri në fund të muajit qershor 2026, me synimin që çdo impiant të jetë në standardet më të larta teknike dhe organizative për të garantuar një organizim dinjitoz të UEFA U-21 EURO 2027.





Lajmet e fundit nga