web counter
LEXO PA REKLAMA!

SHKARKO APP

App Store
Google Play

Shënoi në sfidën hapëse të Botërorit, historia prekëse e Jimenez

12 Qershor 2026, 01:30, Sport CNA

Shënoi në sfidën hapëse të Botërorit, historia

Raul Jimenez ishte një nga protagonistët e fitores 2-0 të Meksikës ndaj Afrikës së Jugut në ndeshjen hapëse të Kupës së Botës 2026. Sulmuesi 35-vjeçar realizoi golin e dytë të takimit, duke vulosur suksesin e skuadrës së tij.

Për Meksikën ishte goli që siguroi fitoren dhe tre pikët e para në turne, por për vetë Jimenez ky moment kishte një peshë edhe më të madhe.

Vetëm pak vite më parë, karriera e tij u vu në dyshim pas një dëmtimi të rëndë në fushën e lojës. Në nëntor të vitit 2020, gjatë ndeshjes së Premier League mes Ëolverhamptonit dhe Arsenalit, Jimenez u përfshi në një përplasje të fortë me David Luiz. Pas kontaktit, sulmuesi meksikan pësoi frakturë të kafkës dhe gjakderdhje në tru.

Futbollisti humbi ndjenjat në fushë dhe u transportua me urgjencë në spital, ku iu nënshtrua një operacioni. Dëmtimi konsiderohej ndër më të rëndët e regjistruar në futbollin modern dhe për një periudhë të gjatë pati pikëpyetje të mëdha mbi mundësinë e rikthimit të tij në aktivitet.

Shënoi në sfidën hapëse të Botërorit, historia

Pas operacionit nisi një periudhë e gjatë rehabilitimi. Jimenez qëndroi larg fushave për nëntë muaj, duke kaluar një proces të vështirë rikuperimi. Në atë periudhë, shumë specialistë mendonin se rikthimi në futbollin profesionist do të ishte jashtëzakonisht i vështirë. Megjithatë, sulmuesi vazhdoi programin e rikuperimit dhe arriti të kthehej në fushën e lojës.

Që nga rikthimi, ai luan me një mbrojtëse të posaçme në kokë, e cila përdoret për të mbrojtur zonën e dëmtuar. Ky element është bërë pjesë e pandashme e paraqitjes së tij në fushë dhe shoqëron çdo ndeshje të zhvilluar pas aksidentit të vitit 2020.

Në moshën 35-vjeçare, Jimenez vazhdon të jetë pjesë e rëndësishme e kombëtares së Meksikës. Goli ndaj Afrikës së Jugut ishte i pari i tij në një Kupë Bote dhe një moment i rëndësishëm në karrierë.





Lajmet e fundit nga