LEXO PA REKLAMA!

SHKARKO APP

Kategoria e Dytë/ Pogradeci merr "komandën", Luftëtari ndalet nga Shkumbini

1 Prill 2024, 11:12, Sport CNA

Kategoria e Dytë/ Pogradeci merr "komandën", Luftëtari

Pogradeci ka marrë kreun e renditjes në Grupin B të Kategorisë së Dytë. Fitorja minimale ndaj Labërisë ka dërguar liqenorët në vendin e parë.

Goli i shënuar nga Topllari në minutën e 2-të i dha një sukses shumë të rëndësishëm skuadrës së drejtuar nga Samuel Nikaj.

Në Pogradec ishte një ndeshje e luftuar dhe me shumë raste nga të dyja ekipet, por u shënua vetëm një gol.

Me këtë fitore, Pogradeci, mban vendin e parë në renditjen e Grupit B, me 42 pikë të grumbulluara, duke parakaluar Luftëtarin, që mbetet me një pikë më pak.

Hap fals i gjirokastritëve në transfertë ndaj Shkumbinit, në sfidën që u mbyll në barazim pa gola.

Ashtu si ndaj Pogradecit, edhe për Luftëtarin, Shkumbini u tregua një kockë e fortë, duke i hapur shumë probleme.

Pas këtij barazimi, skuadra nga Peqinin mban vendin e tretë në renditje me 36 pikë të grumbulluara në 17 javë kampionat. Sfidë spektakolare në këtë grup ishte edhe derbi, që u fitua nga Maliqi ndaj Devollit, me rezultatin 5-4.

Lajmet e fundit nga