LEXO PA REKLAMA!

SHKARKO APP

Jannik Sinner, ylli i momentit. Italiani mposht në finale Dimitrov-in

1 Prill 2024, 11:11, Sport CNA

Jannik Sinner, ylli i momentit. Italiani mposht në finale Dimitrov-in

Tenisti italian, Jannik Sinner, është fituesi i turneut ATP Miami, që u zhvillua në SHBA. 22-vjeçari shkëlqeu në finalen e madhe, duke mposhtur pa shumë vështirësi bullgarin Grigor Dimitrov.

Sinner fitoi me rezultatin 2-0, 6-3 dhe 6-1 me sete, duke u konfirmuar si një nga më të mirët e momentit në tenis.

Në setin e parë, mund të thuhet se kishte pak rivalitet, me Dimitrov që e nisi mirë, por u përmbys nga italiani.

Seti i dytë nuk kishte shumë histori, me Sinner që dominoi nga fillimi deri në fund, në ndeshjen që zgjati 1 orë e 12 minuta. Tenisti italian ka arritur sukses të rëndësishëm dhe do të jetë numri 2 në renditjen botërore.

Ky triumf e konfirmon Sinner-in si një nga pretendentët kryesorë për kreun e renditjes në botë. 2024, duket një vit i artë për Sinner, me 22 fitore dhe vetëm me një humbje deri tani.

Vendi i parë vijon të mbahet nga tenisti serb, Novak Djokovic, që ndien presion tani nga ylli italian.

Lajmet e fundit nga