LEXO PA REKLAMA!

SHKARKO APP

Dëmtimi ndaj Iranit fatal për mbrojtësin e Barcelonës, i duhet të operohet/ Botërori iluzion

26 Shtator 2022, 18:02, Sport CNA
Dëmtimi ndaj Iranit fatal për mbrojtësin e Barcelonës, i

Mbrojtësi Ronald Araujo me siguri do ta arkivojë si një kujtim tejet të hidhur miqësoren e kombëtares së tij, Uruguajit ndaj Iranit. Futbollisti i Barcelonës pësoi një dëmtim në kofshën e djathtë kur ende nuk ishte mbushur një minutë lojë ndërsa menjëherë frika ishte e madhe teksa pritej një mungesë disajavore për Araujon.

Megjithatë, ky opsion së fundmi po humbet kuota pasi pritet që 23-vjeçari t’i nënshtrohet ndërhyrjes kirurgjikale dhe nëse kjo alternativë kthehet në realitet atëherë Araujo do të humbasë pjesëmarrjen në Botërorin e Katarit me Uruguajin. Koha e rikuperimit do të ishte minimalisht dy muaj, ndoshta edhe tre duke e bërë të pamundur prezencën e tij në Kupën e Botës.

Sigurisht, një lajm tejet i keq për përfaqësuesen amerikano-latine duke qenë se Araujo konsiderohet një titullar ndërsa në këtë mes e pëson edhe Barcelona me trajnerin Xavi Hernandez që e preferonte shumë shtatlartin pasi ofronte siguri në qendër të mbrojtjes.

Lajmet e fundit nga