web counter
LEXO PA REKLAMA!

SHKARKO APP

E fundit!

x

Drita fiton minimalisht ndaj Ballkanit, Malisheva mposht Gjilanin

22 Shtator 2024, 17:04, Sport CNA
Drita fiton minimalisht ndaj Ballkanit, Malisheva mposht Gjilanin
Drita-Ballkani

Drita fiton me rezultat minimal 1-0 ndaj Ballkanit, në sfidën e javës së gjashtë të Superligës së Kosovës.

Ndeshja rezultoi shumë e luftuar dhe vazhdoi me porta të paprekura deri në minutat e fundit.

Në pjesën e dytë skuadra e Ballkanit mori një goditje të rëndë pas ndëshkimit me karton të kuq të Bernard Karricës, që e la ekipin e tij me dhjetë lojtarë.

Superioriteti numerik u shfrytëzua nga Drita, e cila gjeti rrugën drejt rrjetës në minutën e 83’ me Albert Dabiqaj.

Pas këtij takimi Drita shkon në kuotën e nëntë pikëve dhe renditet në vend të gjashtë, teksa Ballkani me dhjetë pikë qëndron në vend të tretë.

Ndërsa në ndeshjen tjetër, Malisheva fitoi me rezultatin 2-1 ndaj Gjilanit.

Golat për Malishevën i shënuan Vesel Limaj me penallti dhe Laurent Xhylani në minutën e 52’, teksa për Gjilanin rrugën drejt rrjetës e gjeti vetëm Edi Basa pak para mbylljes së pjesës së parë.

Pas këtij takimi, Malisheva renditet në vend të dytë me 13 pikë, teksa Gjilani në vend të tetë me pesë pikë./CNA





Lajmet e fundit nga