LEXO PA REKLAMA!

SHKARKO APP

Seksi oral faktor kryesor rreziku për sëmundjen e rëndë

13 Dhjetor 2023, 20:51, Sociale CNA
Seksi oral faktor kryesor rreziku për sëmundjen e rëndë
Foto ilustruese

Seksi oral konsiderohet si një faktor kryesor rreziku për kancerin orofaringeal.

Për kancerin orofaringeal po ashtu faktori kryesor i rrezikut është numri i partnerëve seksualë gjatë jetës. 

Ata me gjashtë ose më shumë partnerë gjatë jetës dhe ata që praktikojnë seks oral kanë 8.5 herë më shumë gjasa të preken nga kanceri orofaringeal se ata që nuk praktikojnë seks oral.

Sipas një studimi me pothuajse 1000 njerëz që kishin kryer tonsilektominë (heqjen e tonsileve/bajameve) për arsye jo kanceroze në Mbretërinë e Bashkuar, 80% e të rriturve raportuan se kishin praktikuar seks oral në një moment të jetës së tyre. 

Megjithatë, vetëm një numër i vogël i atyre njerëzve kishin kancer orofaringeal. Pse është kjo, nuk është e qartë

Gjatë dy dekadave të fundit, ka pasur një rritje të shpejtë të kancerit të fytit në perëndim, në masën që disa e kanë quajtur atë një epidemi, shkruan Protothema. 

Kjo ka ardhur për shkak të një rritjeje të madhe të kancerit orofaringeal (zona e bajameve dhe e pasme e fytit). 

Shkaku kryesor i këtij kanceri është papillomavirusi i njeriut (HPV), i cili është edhe shkaktari kryesor i kancerit të qafës së mitrës. Kanceri orofaringeal tani është bërë më i zakonshëm se kanceri i qafës së mitrës në Shtetet e Bashkuara të Amerikës dhe Mbretëria e Bashkuar. HPV transmetohet seksualisht./ CNA

Lajmet e fundit nga