LEXO PA REKLAMA!

SHKARKO APP

Mot me diell gjatë javës dhe surpriza në fundjavë/ Si parashikohen temperaturat për ditët në vijim

10 Dhjetor 2023, 16:39, Sociale CNA

Mot me diell gjatë javës dhe surpriza në fundjavë/ Si

Për javën që presim përpara, vendi ynë do të ndikohet nga kushte atmosferike relativisht të paqëndrueshme edhe pse nuk do të mungojnë ditët apo orët me diell.

Në këtë mënyrë nga dita e Hënë deri ditën e Mërkurë vendi ynë parashikohet me mot me kthjellime, por edhe alternime vranësirash hera-herës deri të dendura. Këto vranësira në zonën e veriut dhe pjesërisht qendër do të shoqërohen me reshje shiu me intensitet të ulët dhe lokalisht mesatar në formën e shtrëngatave. Në relievet malore parashikkohen reshje dëbore me intensitet të ulët.

Për ditën e Enjte moti parashikohet me vranësira të dendura, shoqëruar me reshje shiu me intensitet mesatar, ndërsa në zonën e veriut dhe qendër reshjet në periudha afatshkurtra me intensitet deri të lartë në formën e rrebesheve dhe stuhive. Në relievet malore priten reshje dëbore., sipas Shërbimit Meteorologjik Ushtarak.

Nga kushte të paqëndrueshme atmosferike do të përfshihet edhe dita e Premte. Moti parashikohet me vranësira mesatare deri të dendura e reshje shiu me intensitet të ulët në një pjesë të madhe të territorit. Në zonën e jugut dhe pjesërisht qendër reshjet do të jenë me intensitet deri mesatar në formën e shtrëngatave. Në relievet malore në lindje priten përsëri reshje dëbore me intensitet të ulët dhe mesatar.

Për shkak të depërtimit të masave ajrore më të ngrohta jugore pritet një rritje e temperaturave në mesjavë si dhe përsëri rënie e tyre duke filluar nga dita e Premte dhe kryesisht fundjavën e ardhshme./ CNA

Mot me diell gjatë javës dhe surpriza në fundjavë/ Si

Lajmet e fundit nga