LEXO PA REKLAMA!

SHKARKO APP

Video-“Na mbytën kullat”/ Veliaj, fushatë nga zyra

29 Janar 2023, 12:48, Politikë CNA

Video-“Na mbytën kullat”/ Veliaj, fushatë nga zyra

Kryetari i Bashkisë së Tiranës, Erion Veliaj, ka nisur një rubrikë të re informimi dhe sqarimi me fakte dhe shifra zyrtare, për tema të cilat prekin qytetin dhe kanë shkaktuar debate në publik.

Ai është ndalur te debatet mbi ndërtimet në kryeqytet, duke e justifikuar rritjen e numrit të tyre me shtimin e banorëve.

Sipas tij, Tirana rritet çdo vit me 20-25 mijë banorë, ndaj e ka të nevojshme të shtojë rreth 8 mijë banesa çdo vit. 

“Nëse nuk shtohet oferta për banesa të reja, atëherë çmimet e banesave ekzistuese do të bëheshin të papërballueshme dhe do të rriteshin në mënyrë eksponenciale.

8 mijë banesa, me nga një mesatare prej 100 m2, përfshirë hapësira të përbashkëta, shkallë e ashensorë, janë rreth 800 mijë m2 ndërtim i ri i kërkuar nga tregu çdo vit në Tiranë.

Atëherë, përfundimi është i thjeshtë: Numri i metrave katrorë të ndërtuara në Tiranë, përputhet proporcionalisht me numrin e rritjes së banorëve të Tiranës”, ka thënë ai.

Veliaj ka dhënë një sqarim edhe për ata që thonë “na mbytën kullat”.

“Dëgjojmë të recitohet pa fund dhe pa turp: 'Na mbytën kullat'. E vërteta e thjeshtë dhe shumë e verifikueshme është se objekte me mbi 12 kate janë vetëm 20. Dhe ky është fakt”, shprehet ai.

Sipas tij, nga viti 2016 deri në vitin 2021 numri i procedurave të lejeve të dhëna në total është 1028, pra për 5 vite, nga të cilat, vetëm një e treta janë leje ndërtimi për objekte nga 4 deri në 12 kate, pra pallate.

Pjesa tjetër janë leje për objekte të ulëta, si dhe leje për rikonstruksione, çati, prishje ndërtimi etj. Pra, çdo gjë që konsiderohet leje, jo vetëm e pallateve, është në këto 1028./CNA.al

Lajmet e fundit nga