LEXO PA REKLAMA!

SHKARKO APP

Berisha, krah SHBA-së dhe Gjermanisë/ Dërgimi i tankeve në Ukrainë, ndihmë thelbësore

28 Janar 2023, 10:03, Politikë CNA

Berisha, krah SHBA-së dhe Gjermanisë/ Dërgimi i tankeve në

Kryetari i Partisë Demokratike, Sali Berisha ka përshëndetur vendimin e SHBA-së dhe Gjermanisë për të dërguar, ashtu si Britania e Madhe, tanke në Ukrainë.

Me anë të një statusi në rrjete sociale, Berisha thotë se dërgimi i tankeve përbën një ndihmë me rëndësi thelbësore për ushtrinë e Ukrainës në betejat e saj kundër agresionit barbar rus.

“Të dashur miq, pas Britanisë së Madhe, SHBA dhe Gjermania vendosën të furnizojne Ukrainën me tanket e tyre të rënda me të mira përkatesisht Abrahams dhe Leopard 2.

Ky vendim që vjen pas vendimit të ngjashëm të Britanisë së Madhe përbën një ndihmë me rëndësi thelbësore për ushtrinë e Ukrainës në betejat e saj kundër agresionit barbar rus.

Partia Demokratike e Shqipërisë përshendet këtë vendim të aleatëve kryesor të NATO-s, i cili rrit shumë fuqinë mbrojtëse të Ukrainës dhe bën të pashpresë agresionin barbar rus ndaj një vendi që po mbron sot jo vetëm lirinë dhe pavaresinë e tij, por dhe të mbarë vendeve të lira.

Lavdi Ukrainës”, shkruan kreu i demokratëve./ B.A. – CNA.al

Lajmet e fundit nga