LEXO PA REKLAMA!

SHKARKO APP

4 muaj para zgjedhjeve/ Asnjëra nga partitë nuk e kanë dorëzuar formularin e dekriminalizimit

29 Janar 2023, 09:20, Politikë CNA

4 muaj para zgjedhjeve/ Asnjëra nga partitë nuk e kanë

Ligji për dekriminalizimin ka dështuar, sipas ish-prokurorit Eugen Beci.

I ftuar në emisionin "Fact Check" në "MCN TV" ai ka komentuar faktin se kur jemi vetëm 4 muaj para zgjedhjeve ende asnjë parti nuk ka dërguar lista dhe formular dekriminalizmi.

Sipas Becit, kjo kohë është e pamjaftueshme, pasi minimalisht duhen 6 muaj për hetimin e një personi.

“Politika me vazhdimin e ligjit të dekriminalizmit do të thotë se ka gjetur shtigje për të futur persona që kanë pasur probleme me ligjin dhe për t'u zgjedhur dhe për t'u emëruar në funksione publike.

Në thelb shoqëria jonë dështoi të zgjedhë me votë njeriun e pastër dhe krijoi këtë ligj, i cili në pikëpamje tekniko-legjislative nuk di të them se ka shtete të tjera që e kanë këtë ligj, sepse ai cenon dhe përplaset me disa parime kushtetuese. Fakti që është shumë i ashpër shpeshherë tregon se cenon edhe të drejtat themelore të njeriut.

 Politika në përgjithësi duke qenë se në këtë ligj janë futur shumë teknika cenon edhe të drejtat themelore të njeriut. Për sasinë e personave që do duhet të kalojnë në këtë filtër është hetim i mirëfilltë për të gjithë qoftë dhe administrativ dhe për 4 muaj është e pamundur të realizohet. Në pikëpamje teknike duke qenë se do duhen hetime, minimalisht do duhen 6 muaj. Sot jemi shumë vite pas hartimit të këtij ligji dhe do duhej të ishin marrë masat”, është shprehur Beci./CNA.al

 

Lajmet e fundit nga