web counter
LEXO PA REKLAMA!

SHKARKO APP

App Store
Google Play

Veliaj "drejtoi" fushatën e PS-së nga vila në Qerret/ Qelizat telefonike zbulojnë mashtrimin e radhës të kryebashkiakut

18 Shkurt 2025, 17:10, Politikë CNA

 

Kryebashkiaku Erion Veliaj, i cili ndodhet pas hekurave për korrupsion dhe pastrim parash, çdo ditë e më shumë reagon nga qelia duke prodhuar gënjeshtër pas gënjeshtre. Më e fundit ishte këtë të martë, ku Veliaj tha se nuk është pronari i vilës në Qerret dhe sipas tij qelizat telefonike të publikuara në dosje nuk vërtetojnë që Veliaj ka qenë në Qerret.

Sipas kryebashkiakut, ai ka qenë në Rrogozhinë e Kavajë, gjatë muajve prill-maj 2023, pasi sipas Veliajt, ka shkuar atje në cilësinë e Drejtuesit Politik të Qarkut të Tiranës për zgjedhjet vendore të 14 Majit 2023.


Po e marrim të mirëqenë për një moment se deklarata e Veliajt është e vërtetë, ndërsa do e ballafaqojmë këtë deklaratë me faktet kokëforta të publikuara në dosjen që mban vendimin e gjykatësit Erjon Bani.

Veliaj "drejtoi" fushatën e PS-së nga vila në Qerret/
Sipas të dhënave në vendimin e gjykatës, në kompaninë telefonike ka rezultuar se numri i Veliajt ka pasur logime të shpeshta në zonën e Qerretit. Nga kjo analizë rezulton se këto logime janë kryesisht gjatë fundjavave, por ka edhe logime të cilat janë gjatë ditëve të caktuara të javës në vitet 2023 dhe 2024.


Në faqet 50, 51, 52, evidentohet se Veliaj ka përdorur numrin e tij celular në vilë, duke u konfirmuar se ai shkonte shpesh në të kryesisht gjatë fundjavave, por edhe nga e premtja në të hënë, të martave dhe të mërkurave. Në dosje theksohet se telefoni është përdorur pranë vilës në qershor, korrik, dhjetor të 2023, gjatë javës dhe fundjavës.

Pyetja që lind është përse shkonte Veliaj kaq shpesh në një vilë që nuk e zotëronte dhe për më tepër në një kohë që zgjedhjet vendore kishin përfunduar?

Veliaj "drejtoi" fushatën e PS-së nga vila në Qerret/

“35.5. Nga analiza, rezulton se këto qeliza antenash i përkasin datave 04.06.2023 -Ditë e Dielë, 01.07.2023 -Ditë e Dielë, 02.07.2023 -Ditë e Hënë, 08.07.2023 -Ditë e Hënë, 11.07.2023 -Ditë e Martë, 18.07.2023 -Ditë e Martë, 19.07.2023 --Ditë e Mërkurë, 23.07.2023 -Ditë e Dielë, 24.07.2023 -Ditë e Hënë, 28.07.2023 - Ditë e Premte, 30.07.2023- Ditë e Dielë, 27.08.2023 Ditë e Dielë, 02.09.2023 - Ditë e Dielë, 06.09.2023 -Ditë e Mërkurë, 15.12.2023-Dite e Mërkurë. Ndër to konstatohen edhe qelizat e antevave telefonike me emër qelize ("Cell name") si QERETIBEAC4 (data 23.07.2023-ora: 18:25- 24.07.2023 ora 08:04) etj.”- thuhet në dosje.


Më tej në dosje vijojnë të renditen logime të tjera të shpeshta edhe gjatë vitit 2024, nga janari në gusht, gjatë javës dhe fundjavës, në plazhin e Qerretit.

Pyetja që lind është çfarë lloj fushate po drejtonte Veliaj nga plazhi, apo nga vila në Qerret në 2024?!

Veliaj "drejtoi" fushatën e PS-së nga vila në Qerret/

“35.7. Nga analiza, rezulton se këto qeliza antenash i përkasin datave 25.01.2024-Ditë e Hënë, 07.03.2024-Ditë e Enjte, 20.03.2024--Ditë e Mërkurë, 29.03.2024-Ditë e Premte, 24.04.2024-25.04.2024-E Mërkurë-E Enjte, 04.05.2024-Ditë e Shtunë, 9.05.2024-Ditë e Enjte, 12.05.2024-Ditë e Dielë, 07.06.2024-Ditë e Premte, 16.06.2024--Ditë e Dielë, 17.06.2024--Ditë e Hënë, 22.06.2024--Ditë e Shtunë, 23.06.2024-Ditë e Diele, 24.06.2024- Ditë e Hënë, 27.06.2024-30.06.2024-E Enjte-E Dielë, 07.07.2024-Ditë e Dielë, 13.07.2024- Ditë e Shtunë, 14.07.2024- Ditë e Dielë, 21.07.2024 Ditë e Dielë, 24.07.2024-Ditë e Mërkurë, 03.08.2024-Ditë e Shtunë, 04.08.2024-Ditë e Dielë, 08.08.2024-Ditë e Enjte, 14.08.2024 Ditë e Mërkurë, 17.08.2024-Ditë e Shtunë, 20.08.2024-Ditë e Martë, 28.08.2024-Ditë e Mërkurë, 29.08.2024, 07.09.2024-08.09.2024-E shtunë-E Dielë, 17.09.2024-Dit a Mart. Ndër to konstatohen edhe qelizat e antenave Golemi South (25.01.2024), "Qerreti Beach" (04.05.2024, 22.06.2024-23.06.2024, 17.08.2024, 20.08.2024, 28.08.2024), "Qerreti Beach F" apo "Qereti BeachC4" (22.06.2024), "Mali Robit" (shumica prej tyre) etj.35.8.2.

Veliaj "drejtoi" fushatën e PS-së nga vila në Qerret/

Nga kjo analizë, rezulton se këto logime janë kryesisht gjatë fundjavave, por ka edhe logime të cilat janë gjatë ditëve të caktuara të javës (Premte-E hënë, E martë, E mërkurë). Këto logime janë në zonën e Qerretit, Kavajë. Nisur nga përgjigja më sipër e kompanisë telefonike këto logime konkludohet të jenë në zonën e Qerretit, në ose në afërsi të Marea Resort.” -thuhet në dosje.

 



Çdo ditë jave dhe në fundjavë, Veliaj gjatë 2023 dhe 2024, nga janari në dhjetor ka shkuar pranë vilës së Qerret dhe kjo vërtetohet katërcipërisht nga qelizat telefonike. Presim statusin e radhës të Veliajt për të hedhur dritë, mbi faktin se si mund “të drejtohet” një fushatë zgjedhore apo takim elektoral nga një vilë. Ndoshta në këtë formë mund “të frymëzojë” kundërshtarët politik apo ndonjë syresh që aspiron t’i futet politikës./CNA 





Lajmet e fundit nga