web counter
LEXO PA REKLAMA!

SHKARKO APP

Zgjidhet kryetari i Bordit të Autoritetit të Mbikëqyrjes Financiare/ Saimir Tola merr detyrën

18 Shkurt 2025, 17:01, Politikë CNA

Zgjidhet kryetari i Bordit të Autoritetit të Mbikëqyrjes

Komisioni i Ekonomisë miratoi kandidaturën e Saimir Tolës për të qenë kryetar i Bordit të Autoritetit të Mbikëqyrjes Financiare.

Saimir Tola, është diplomuar në master shkencor për inxhinieri matematike, ka kryer doktoraturën për inteligjencë artificiale dhe ka marrë titullin profesor i asociuar në 2022. Saimir Tola është pedagog në Fakultetin e Inxhinierisë Matematike dhe Inxhinierisë Fizike në Universitetin Politeknik të Tiranës, në lëndët e Analizës Numerike dhe Analizës Matematike, një formim akademik i lidhur me aktuaristikën.

Kandidatë për këtë post ishin Artur Ribaj (më herët drejtues Departamentit të Mbikëqyrjes në AMF), Emis Cerava, Julian Naqellari, Petrit Perhati, Saimir Tola dhe Valbona Sanxhaktari.

Sipas ligjit “Për Autoritetin e Mbikëqyrjes Financiare”, Kryetari i Bordit emërohet nga Kuvendi, me propozimin e Komisionit Parlamentar për Ekonominë dhe Financat, pas një procedure përzgjedhëse. Mandati i çdo anëtari të Bordit, duke përfshirë kryetarin është 5 vjet dhe mund të rizgjidhen për një mandat të dytë pas përfundimit të mandatit të tyre./CNA 





Lajmet e fundit nga