web counter
LEXO PA REKLAMA!

SHKARKO APP

App Store
Google Play

Aferat e Veliajt/ Analisti: Bashkia Tiranë i ka dhënë kompanisë “One” 1 milion euro sponsorizime

18 Shkurt 2025, 11:03, Politikë CNA

Aferat e Veliajt/ Analisti: Bashkia Tiranë i ka dhënë

Analisti Enton Abilekaj, i ftuar në "MCN TV" ka thënë për dosjen hetimore të kryebashkiakut Veliaj, se është shumë e argumentuar.

Ndër të tjera, analisti është ndalur dhe te sponsorizimet që Bashkia e Tiranës i ka dhënë kompanisë “One”. Sponsorizime prej 1 milion eurosh të dhëna nga bashkia në kohën që PR-in e kompanisë e bënte vëllai i kryebashkiakut, Arbër Veliaj.

 

“Dosja kundër Veliajt është shumë e argumentuar. Tek 'One', bashkia i ka dhënë kompanisë celulare një milion euro sponsorizime. Ne kemi kompani telefonike që në përgjithësi sponsorizojnë entet shtetërore sepse janë të pamundura, ndërsa këtu kemi bashkinë që i jep kompanisë që PR-in ia bën vëllai i Veliajt, i jep një milion euro. Për çfarë ia ka dhënë?”, tha Abilekaj.

 

Po ashtu analisti është ndalur dhe te vila në Qerret, të cilën Veliaj vijon ta mohojë se është në pronësi të tij.

Abilekaj tha se kryebashkiaku Veliaj ka mohuar gjëra që më pas prokurorisë i kanë dalë të vërteta.

 

 

“Vilën ai mund ta mohojë dhe s’ke çfarë të bësh, por ai ka shkuar aty në janar dhe shkurt, ka dalë se ka qenë dhe ditë jave te vila disa herë, por çfarë bënte ai në këta muaj te vila e vjehrrit kur s’ka qenë kohë plazhi? Pse shkonte vetëm te vila e vjehrrit dhe jo te vila ngjitur e vëllait? Tri vila, njëra është prishur për lulishte, por një vilë me vlerë 500 mijë euro sot është prishur për të bërë lulishte dhe është prishur nga ujësjellësi i Kavajës.

Një nga akuzat që i bëhet Veliajt është dëshmia e rremë, ai ka mohuar gjërat që i kanë dalë prokurorisë të vërteta. Akuza tjetër është që Veliaj ka mohuar të vërtetat, ka bërë veprime që pengojnë zhvillimin e së vërtetës”, tha Abilekaj./ CNA





Lajmet e fundit nga