web counter
LEXO PA REKLAMA!

SHKARKO APP

App Store
Google Play

E fundit!

x

Ndryshimet në ligjin për rininë/ Ministrja: Forcohen mekanizmat për pjesëmarrje në politikë

18 Shkurt 2025, 16:31, Politikë CNA

Ndryshimet në ligjin për rininë/ Ministrja: Forcohen mekanizmat

Ministrja e Shtetit për Rininë dhe Fëmijët, Bora Muzhaqi ka prezantuar sot ndryshime në ligjin “Për rininë”. Muzhaqi tha se ndryshimet do të ndodhin në gjashtë aspekte si pjesëmarrja e të rinjve në politikëbërje apo mekanizmat që sigurojnë gjithëpërfshirjen e tyre.

“Nga të gjitha konsultimet dhe rishikimi i ligjit pikat që kishin nevojë për të ndryshuar dhe përmirësuar më tej janë në gjashtë aspekte: Forcimi i mekanizmave ligjorë që garantojnë pjesëmarrjen e të rinjve në proceset politikëbërësve dhe vendimmarrëse në nivel vendor e qendror; forcimi i mekanizmave që sigurojnë gjithëpërfshirjen e të rinjve shqiptarë; parashikimi i mekanizmave ligjorë për zbatimin e politikave të reja dhe mbështetjen dhe aktivizimin e të rinjve, si dhe forcimi i mekanizmave ligjorë për vendosjen e standardeve dhe rritjen e cilësisë në shërbimet rinore”, tha Muzhaqi.

Ministrja tha se këshillat në ministri dhe bashki do të drejtohen bashkë me të rinjtë. Propozim i cili ka ardhur nga kryetarët dhe ministrat tha Muzhaqi.

“Bashkë me ministrin apo me kryetarët e bashkive, këshillat do të bashkëkryesohen me të rinjtë. Ky është një propozim i ardhur nga vetë ata dhe i pranuar si ndryshim në ligj”, u shpreh ministrja./CNA





Lajmet e fundit nga