web counter
LEXO PA REKLAMA!

SHKARKO APP

App Store
Google Play

Kërcënoi dhe intimidoi gjyqtarët dhe prokurorët/Këlliçi: Rama i nxori gishtin e mesit reformës në drejtësi

18 Shkurt 2025, 14:15, Politikë CNA

Kërcënoi dhe intimidoi gjyqtarët dhe

Në një bashkëbisedim me qytetarët mëngjesin e sotëm, kryeministri Rama ka vijuar sulmet dhe intimidimet ndaj gjyqtarëve dhe prokurorëve të çështjes Veliaj. Në rubrikën “Sy mSy” Rama ka deklaruar se: Jam kundër ndalimit të kryetarit të bashkisë, i panevojshëm për të vazhduar. Si mund të ndaloj unë ekzekutimin. Ne duam drejtësi të pavarur dhe pa parë majtas dhe djathtas. Gjykatësi bën ortakun e prokurorit”.

Për këtë deklaratë ka reaguar drejtuesi politik i PD për Tiranën, Belind Këlliçi në një postim në rrjetet sociale. Këlliçi ka thënë se Edi Rama i nxori sërish gishtin e mesit reformës në drejtësi.

Këlliçi shkruan se Ramën tashmë nuk e ndihojnë dot as diplomatët e blerë. Referuar konferencës së Sigurisë në Mynih, ku pjesëmarrës ishte dhe Rama, Këllicic thotë se kryeministri nuk arriti të dilte në foto me zv.presidentin amerikan.

 

“Edi Rama sot i nxorri sërish gishtin e mesit ‘reformës’ në drejtësi, duke kërcënuar dhe intimiduar publikisht Gjykatën e Apelit të Posaçëm. Në një qëndrim të paprecedentë, ai sot urdhëroi gjyqtaren e Apelit që ta lirojë zarin e tij Veliaj në mënyrë që ai të ndiqet në gjendje të lirë. Ende nuk dihen arsyet e plota të shfazimit total të kreut të narkoshtetit, por një gjë është e sigurtë: Nga sot ai nuk fshihet më!!! Pasi dështoi të kapte një foto me Zv.

Presidentin JD Vance në Mynih, pasi tashmë është demaskuar publikisht si kukulla e Sorosit, pasi vetë Alex Soros e trajtoi si leckë duke rikthyer online fotot të cilat Rama i ka fshirë nga çdo rrjet, ai tashmë i është rikthyer personazhit të tij të preferuar, Noc Rrokut! Milionat dhe lobistët nuk i bëjnë më punë. As diplomatët e kapur e të blerë nuk e ndihmojnë dot më. Edi Rama është tashmë më i qartë se kurrë. Më 11 Maj, qytetarët shqiptarë do ti japin atë çka ai ka 12 vite që e meriton; Noc Rrokun dora vetë”, shkruan Këlliçi./ CNA





Lajmet e fundit nga