web counter
LEXO PA REKLAMA!

SHKARKO APP

App Store
Google Play

Zgjedhjet e 11 majit/ Celibashi: Votojnë për herë të parë 171 878 zgjedhës

18 Shkurt 2025, 11:42, Politikë CNA

Zgjedhjet e 11 majit/ Celibashi: Votojnë për herë të

Kreu i Komisionit Qendror të Zgjedhjeve, Ilirjan Celibashi, në një bashkëbisedim me gazetarët ka folur për ndryshimet e miratuara ditën e djeshme për Kodin Zgjedhor. Celibashi bëri të ditur se 25 shkurti do të jetë afati i fundit për regjistrimin e partive si subjekt zgjedhor, ndërsa 7 marsi është data e fundit e regjistrimit të koalicioneve.

Kreu i KQZ-së ka bërë të ditur se janë 57 098 zgjedhës që mbushin moshën 18 vjeç dhe në total janë 171 878 zgjedhës që votojnë për herë të parë.

 

“Listat për deputetë duhet të dorëzohen jo më vonë se 60 ditë përpara datës së zgjedhjeve. 140 minuta në total për të gjithë kandidatët e listës shumemërore. Shpenzimet financiare, pa përfshirë kandidatët, shuma jo më e madhe se 5 herë nga shumë që ka marrë subjekti nga fondet zgjedhore. Kandidatët duhet të deklarojnë shpenzimet, jo më shumë se 3 milionë lekë për kandidat. 25 shkurt përfundon afati për depozitimin e kërkesave për t’u regjistruar si subjekt zgjedhor.

Më 7 mars përfundon afati për dorëzimin e koalicioneve. Më 12 mars përfundon afati për regjistrimin e kandidatëve. Më 17 mars afati për verifikimin e dokumentacionit. Më 25 mars përfundon afati për miratimin e listave shumemërore dhe KQZ mund të fillojë procedurat për përfundimin e fletëve të votimit nëse s’ka ankimime. Janë 57 098 zgjedhës që mbushin moshën 18 vjeç, ndërsa 114 780 zgjedhës kanë mbushur moshën 18 vjeç 1 ditë pas zgjedhjeve të 2023-shit”, tha Celibashi./ CNA





Lajmet e fundit nga