web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet seanca gjyqësore me ministren Kushi/ Vokshi: Nuk më mbyllin dot gojën me padi

27 Korrik 2022, 13:37, Politikë CNA

Shtyhet seanca gjyqësore me ministren Kushi/ Vokshi: Nuk më mbyllin

Seanca gjyqësore e radhës  e deputetes Albana Vokshi me ministren e Arsimit, Evis Kushi, është shtyrë për në shtator.

Gjatë një deklarate për mediat Vokshi është shprehur se arsimi është shndërruar në një celulë patronazhistësh dhe militantësh të Partisë Socialiste.

Vokshi thekson se do të vazhdojë të denoncojë çdo rast, duke nënvizuar se Rama dhe Vokshi nuk ia mbyllin dot gojën me padi.

“Në respekt të kësaj Gjykate të nderuar, në respekt të këtij investimi financiar, por edhe kohor të Gjykatës në lidhje me padinë që ministrja Kushi ka bërë ndaj meje për një denoncim që unë kam bërë në rrjetet sociale në lidhje me një mësuese nga Elbasani, e cila akuzon se ministria ka nxjerrë testet për vlerësuesit e arsimit parauniversitar duke ua dërguar drejtorëve të shkollave të lidhur me Partinë Socialiste. 

Sot gjyqi nuk mundi të zhvillohej në seancën e parë gjyqësore, për shkak të ngarkesës që ka kjo gjykatë pas grevës së avokatëve. 

Kjo seancë gjyqësore është shtyrë për në muajin shtator. 

Unë përsëri do të paraqitem personalisht sikundër edhe këto herë, sepse konsideroj që, pavarësisht përpjekjeve të Edi Ramës, Evis Kushit, të qeveritarëve, ministrave për të na mbyllur gojën, unë edhe kolegët e mi të Partisë Demokratike do të vazhdojmë të jemi zëri i tyre. 

Unë do të vazhdoj të jemi zëri i mësuesve, i prindërve, i të rinjve, nxënësve, për të denoncuar çdo skandal, abuzim, keqpërdorim, të mësuesve nga ana e ministres Kushi dhe nga ana e Edi Ramës. 

E them këtë sepse arsimi sot është degraduar, dhe është sektori më i rëndësishëm në vend. 

Vetëm një kryeministër si Edi Rama, që e trajton popullin e tij si armik, mund ta çonte arsimin në këtë pikë. 

Edi Rama po e vërteton çdo ditë që është armiku i dijes dhe i arsimit. 

Kurrë mësuesit nuk janë çmuar, shantazhuar, kërcënuar, keqtrajtuar financiarisht, por edhe presionuar çdo ditë për vendin e punës, në qoftë se ata nuk bëjnë patronazhistin. 

Sot arsimi për fat të keq është shndërruar në një celulë patronazhistësh, në një celulë militantësh të Partisë Socialiste. 

Për këtë unë bëj përgjegjës Edi Ramën dhe Evis Kushin. 

Do të vazhdoj të denoncoj çdo rast. As Edi Rama as Evis Kushi me padi ndaj meje nuk do të mund të më mbyllin gojën. 

Në fakt çdo shqiptarë, çdo mësues, çdo prind po e kupton që Edi Rama, qeveria e tij është fatkeqësia më e madhe e këtij vendi. 

Kjo fatkeqësi nuk hiqet duke hequr një ministër dhe duke vënë një tjetër, as duke hequr një hajdut dhe duke vënë një tjetër.

Mbas çdo ministi qëndron Edi Rama. 

Fatkeqësia më e madhe ka vetëm një zgjidhje, largimin e Edi Ramës!”, tha Vokshi./ A.E-CNA.al

 





Lajmet e fundit nga