web counter
LEXO PA REKLAMA!

SHKARKO APP

App Store
Google Play

E fundit!

x

Reforma Territoriale/ Berisha, ftesë deputetëve të grupit të Bashës

5 Tetor 2022, 14:07, Politikë CNA

Reforma Territoriale/ Berisha, ftesë deputetëve të grupit të

Kreu i PD-së, Sali Berisha, ka ftuar grupin e deputetëve që kanë dorëzuar në Kuvend projektligjin për reformën territoriale që të diskutojnë bashkarisht.

Sipas tij, kjo çështje nuk duhet të diskutohet vetëm me deputetët e PD-së, por edhe me partitë aleate.

Ndër të tjera Berisha ka thënë se kryeministri Edi Rama nuk e ka seriozisht Reformën Territoriale.

“Në punën për Reformën Territoriale janë mbajtur parasysh ndryshimet e thella që ka pësuar vendi këto vite. Por janë marrë për bazë, dy projekte serioze të specialistëve shqiptarë dhe të huaj, të sponsorizuar nga qeveria e Zvicrës.

Sot dëgjoj që një grup deputetësh të po kësaj partie, në mënyrë të pavarur, kanë dorëzuar një draft me 94 bashki.

Unë mendoj se ky draft i dorëzuar dhe ky që është përgatitur dhe është më i thelluar në çdo aspekt, të ulemi bashkërisht dhe të arrihet në një draft të PD-së, që të përfaqësojë interesat më të mira të qytetarëve shqiptarë.

Pra, nuk ka asnjë gjë, edhe një deputet i vetëm mund të mbështesë ligj, projekt apo reformë, kështu që ulja me ta në komisione dhe jashtë komisioneve, dhe gjetja e një ujdie për një projekt që ta mbështesin të gjithë deputetët e opozitës, duhet të diskutohet edhe me partitë aleate në parlament, duhet të diskutohet me Partinë e Lirisë, duhet të diskutohet me të gjitha partitë opozitare.

Natyrisht, ne kurrë nuk bëhemi pjesë e një loje të qeverisë dhe as të pazareve me të. Ne e kemi publik projektin. Projekti shpreh interesat më të mira.

Nuk besoj se Edi Rama është serioz në çështjen e reformës. Nuk ndodh. Gënjen.

Pavarësisht nga kjo, ishte në detyrimin tonë që të paraqesim një projekt më të mirin”, është shprehur Berisha./CNA.al





Lajmet e fundit nga