Edi Rama dhe hajdutët e tij specialë

12 Shkurt 2025, 16:57, Politikë CNA

Kryeministri Rama dje dhe sot ka folur për Prokurorinë Speciale, për Gjykatë Speciale dhe gazetarë specialë.

Në fakt Prokurorinë dhe Gjykatën Speciale e ka votuar vetë, gazetarët specialë i ka problem se nuk i kontrollon dot.

Mërzitet shumë kur dalin fakte dhe dokumente, kur publikohen dosje inceneratorësh, kur publikohet dosja “5D”, kur publikohen materiale dhe dokumente ekskluzive që akuzojnë zyrtarët e tij hajdutë që në fakt janë specialë.

Skandali i Edi Ramës me presionin ndaj drejtësisë
12 Shkurt, 16:30

Speciale është Klotilda Bushka për shembull.

Kjo e fundit nuk ka mundësi si të mos jetë speciale sepse në asnjë vend të botës dhe më të mbaruarit ndoshta dhe në diktaturë një kryetar i Komisionit të Ligjeve, njeriu numër 2 i Parlamentit të shkojë të intimidojë të kapë dëshmitarë të flasë dhe pastaj të thotë po e ndihmoj.

Përrallat e Klotilda Bushkës
12 Shkurt, 15:12

Si po e ndihmon?

Një deputete, një kryetare e Komisionit të Ligjeve që nuk është avokate, s’ka licencë e ka të ndaluar me ligj të ushtrojë aktivitetin në fushën e drejtësisë përveç asaj që ka në Parlament.

Tani shkon dhe jep konsulenca se e ka shoqe dhe kap dëshmitarët, u ofron dhe lekë në qoftë se kanë nevojë. Kjo është Klotilda Bushka speciale e Edi Ramës.

A nuk është special zv.kryeministri në arrati që është hetuar nga i njëjti prokuror, Altin Dumani, si Erion Veliaj?

Për atë kryeministri ynë special, Edi Rama, na tha se hante kumbulla dhe dardha pas shpinës së tij. Po kumbullat dhe dardhat që hante Erioni?

Të gjitha faktet që fundosin Klotilda Bushkën
12 Shkurt, 11:22

Në të njëjtën formë e kanë hetuar edhe Arben Ahmetajn për vilën në Lalëz, për vilën në Palasë edhe këtij ia kanë gjetur vilën në Qerret dhe dëshmitë i kanë dhënë persona të afërt të Ajolës, janë zbërthyer.

A nuk ishte special Ilir Beqaj të cilin nuk e kapën dot ndoshta te procedura e sterilizimit, por e kapën duke vjedhur lekët e shtetit te “Gzona”?

A nuk ishte special Ilir Beqaj dymetrosh i gjatë, siç na ka thënë kryeministri nuk ka dy metër të gjatë, të gjatët janë specialë, hajdutë specialë?

A nuk janë speciale qindra miliona eurot e inceneratorëve?

A nuk janë speciale dhjetëra miliona eurot e dosjes “5D”?

A nuk është speciale shembja e Teatrit?

A nuk janë speciale shembjet te “5 Maji”?

A nuk janë speciale shembjet në “Kombinat”?

A nuk janë speciale veprimet antiligjore të kryebashkiakut Erion Veliaj, i cili është i përfshirë në të gjitha dosjet e mësipërme?

A nuk është special vetë kryeministri ynë që ka zgjedhur të bëjë avokatin e zdromsit të tij?

Gjithçka në këto momente është speciale.../ CNA