web counter
LEXO PA REKLAMA!

SHKARKO APP

App Store
Google Play

Dorëheqja e Alibeajt, humbja e PD-së dhe zgjedhjet në parti

17 Maj 2023, 18:29, Politikë CNA
Dorëheqja e Alibeajt, humbja e PD-së dhe zgjedhjet në parti
Fotomontazh - Lulzim Basha dhe Enkelejd Alibeaj

Enkelejd Alibeaj doli sot dhe njoftoi dorëheqjen e tij, dorëheqje nga hiçi.

Enkelejd Alibeaj është zyrtarisht dhe ligjërisht askushi në Partinë Demokratike, është thjeshtë dhe vetëm një deputet si gjithë të tjerët që qëndron si kryetar i Grupit Parlamentar për shkak të procedurave që ai gjen ligjërisht, duke përjashtuar deputetët e Partisë Demokratike nga Grupi Parlamentar.

Pra, Alibeaj nuk ka dhënë dorëheqjen nga asgjë, ai nuk është zyrtarisht kryetar i PD-së, ai ka qenë i komanduar sipas një procedure letrash të firmosura dhe vulosura nga Lulzim Basha dhe Gazment Bardhi, pranoi të ishte në rolin e palaços publik politik, duke i shërbyer Ramës, pra kryeministrit dhe qeverisë dhe asgjë më shumë sesa kaq.

Diskush pyet se çfarë ndodh pas dorëheqjes së Alibeajt. Asgjë, është e njejta situatë të PD-ja e vulës. Kryetari real i PD-së së vulës është Lulzim Basha. Këta janë kllounat që nxjerr në cirkun e tij politik.

Më solidi ishte Gazment Bardhi, që bën sikur është më ndryshe, por në fakt nuk kanë asnjë ndryshim nga njëri-tjetri, as Gazment Bardhi, as Jorida Tabaku, as Alibeaj dhe as shumë të tjerë që janë aty brenda, te pjesa e vulës.

Tani me sebepin e dorëheqjes së Alibeajt, partia e vulës do të shpallë zyrtarisht zgjedhjet, do të na rikthehet Luli në garë dhe misioni quhet i kryer, sabotojmë zgjedhjet, nuk lejojmë që të krijojmë frymë, kemi një parti të përçarë, merremi gjatë gjithë kohës me opozitën dhe në fund rezultati është ai që e panë të gjithë.

Në fakt, edhe këta nuk kanë faj se me Ilir Metën atje brenda, me Mulëra & Co, jemi në të njejtën situatë si të jemi me Lulëra & Co. Pra, nuk ka ndonjë ndryshim të madh.

Ajo që është fakt është se zgjedhjet në PD-në e vulës apo të pa vulës nuk mund të sjellin dot asgjë, thjeshtë dhe vetëm një tufë e pashpresë individësh të dështuar që kërkojnë të mbajnë peng opozitën dhe t’i zgjatin jetën Edi Ramës./ CNA.al





Lajmet e fundit nga