LEXO PA REKLAMA!

SHKARKO APP

DASH konfirmoi CNA për korruptimin e mediave nga inceneratorët/ Berisha: 237 milionë dollarë janë zhdukur

21 Mars 2023, 18:10, Politikë CNA

DASH konfirmoi CNA për korruptimin e mediave nga inceneratorët/

DASH publikoi dje një raport ku përmendte pagesat e mediave nga inceneratorët gjatë periudhes dhjetor 2021 -janar të 2022.

Dokumentet në atë kohë u publikuan nga gazetari Elvi Fundo në emisionin “A Show” të Adi Krastës.

Lidhur me raportin e DASH ka reaguar edhe kreu i Partisë Demokratike, Sali Berisha, i cili është shprehur se 237 milionë dollarë të inceneratorëve janë zhdukur.

Më tej ai ka vijuar me akuza ndaj kryeministri Edi Rama dhe qeverisë, të cilët sipas tij vjedhin paratë e qytetarëve edhe me anë të projekteve rrugore.

"Dje Departamenti i Shtetit denonconte në mënyrë eksplicite vjedhjen me djegësat. 237 mln dollarë janë zhdukur thoshte, janë zhdukur në xhepat e Edi Ramës, Erion Veliajt, Arben Ahmetaj, Engjëll Agaçit, pa asnjë diskutim. Pra këta vjedhin. Por vjedhjet më të mëdha këta i bëjnë në punë publike.

Po vija këtu dhe rrugët anësore, Lekaj-Fier, rrugët anësore kushtojnë me Edi Ramën 2.2 herë më shumë se sa vetë autostrada, se sa vetë bajpasi i Fierit, se sa kilometri në autostardën Levan-Vlorë. 

A mund të imagjinohet kjo. Këta ndërtojmë kilometrin me paratë tuaja, 24 mln euro autostradë në fushë. Këta vjedhin 70 deri në 90% të gjithë fundit të punëve publike. Këta ndërtojnë një shkollë e cila kushton 700 mijë euro në të gjitha manualet e ndërtimit me 5-6 mln euro dhe këto janë realitete", tha ai./CNA.al

 

Lajmet e fundit nga