web counter
LEXO PA REKLAMA!

SHKARKO APP

App Store
Google Play

E fundit!

x

DASH: Mediat u korruptuan nga inceneratorët

20 Mars 2023, 19:12, Aktualitet CNA

DASH: Mediat u korruptuan nga inceneratorët

Prej vitesh CNA ka denoncuar se si njerëzit e inceneratorëve kanë paguar mediat jo vetëm për të fshehur të vërtetën me mega-aferën, por edhe për të bërë propagandë me inceneratorët, duke na i shitur ata si një të mirë të madhe.

Por një raport i bërë sot publik nga Departamenti Amerikan i Shtetit, konfirmon atë që CNA ka thënë prej kohësh, se mediat janë korruptuar nga inceneratorët.

Në pjesën e raportit mbi Praktikat e të Drejtave të Njeriut, ku flitet për lirinë e medias, thuhet se këta të fundit kanë marrë para nga inceneratorët.

Në një nga frazat, DASH shprehet se në dhjetor të 2021-shit dhe në janar të 2022-shit rrodhën dokumenta se mediat morën para nga kompanitë e inceneratorëve, ndërkohë që këta të fundit ishin nën hetim për korrupsion dhe mashtrim.

“Rrjedhjet e të dhënave në lidhje me pagesat në dhjetor 2021 dhe janar 2022 treguan se disa gazetarë dhe media të njohura morën pagesa direkte nga kompanita e kontraktuara për ndërtimin e inceneratorëve. Kompanitë e inceneratorëve ishin nën hetim për korrupsion dhe mashtrim të dyshuar”, thuhet konkretisht në raport ndër të tjera.

Kujtojmë se në atë kohë dokumentat u publikuan nga gazetari Elvi Fundo në emisionin “A Show” të Adi Krastës.

Asokohe, gazetari Fundo tregoi me emra dhe me fatura mediat që merrnin para nga kompanitë e inceneratorëve.

Gjithashtu, CNA ka denoncuar sërish me fatura se disa nga mediat e denoncuara gjatë kësaj periudhe që përmend DASH, po vazhdojnë të marrin dhjetëra mijëra euro nga inceneratorët./ CNA





Lajmet e fundit nga