LEXO PA REKLAMA!

SHKARKO APP

"Asgjë e re nga fronti i qeverisjes së Ramës & CO" / Igli Cara: Korrupsion në të gjitha nivelet e qeverisjes

21 Mars 2023, 17:39, Politikë CNA

"Asgjë e re nga fronti i qeverisjes së Ramës & CO"

Kandidati i opozitës për bashkinë Durrës, Igli Cara ka reaguar pas raportit të DASH lidhur me gjendjen në të cilën ndodhet drejtësia dhe nivelet e qeverisjes në Shqipëri.

Cara nëpërmjet një reagimi deklaroi se korrupsioni është bërë një nga karakteristikat themelore të qeverisë duke nxjerr drejtësinë jashtë funskionit.

Durrësi është shembull më i qartë i mënyrës sesi janë grabitur fondet publike, në emër të Rindërtimit; sesi është falur pasuria kombëtare, në këmbim të interesave klienteliste; sesi është tjetërsuar identiteti i një qyteti mijëravjeçar, për t'u zëvendësuar me projektet e Rilindjes urbane, që kanë deformuar trashgimninë kulturore dhe si pasojë edhe vetë historinë.

Korrupsion në të gjitha degët dhe nivelet e qeverisjes!

Ky është dhe një nga përfundimet më të rëndësishme të raportit të Departamentit Amerikan të Shtetit, që rikonfirmoi edhe një herë tjetër se në Shqipëri nuk vepron ligji, as kur bëhet fjalë për vetë drejtësinë!

Asgjë e re nga fronti i qeverisjes së Ramës & CO!

I keqardhur për këtë realitet që e kemi faktuar dhe denoncuar në vijimësi, por besimplotë që mund ta ndryshojmë, duke i dhënë frymëmarrje Durrësit, qytetit tonë unik”, tha ai./CNA.al

 

Lajmet e fundit nga