LEXO PA REKLAMA!

SHKARKO APP

Fevziu, rezerva për qeverinë Rama/ Ka krijuar stabilitet të frikshëm për vendin

20 Mars 2023, 23:00, Politikë CNA
Fevziu, rezerva për qeverinë Rama/ Ka krijuar stabilitet të
Gazetari Blendi Fevziu

Gazetari Blendi Fevziu ka shprehur rezerva për qeverisjen e Edi Ramës në vendin tonë. Fevziu tha se pushteti është i konsumuar dhe ka krijuar një stabilitet të frikshëm për vendin.

Ai deklaroi në emisionin e Ylli Rakipit se sheh një mungesë të fortë të dhënies së llogarisë nga ana e qeverisë.

“Pushteti është i konsumuar, ka krijuar një stabilitet të frikshëm për vendin, një rehati politike. Kjo mazhorancë duhet të ishte në ditë shumë të vështira, por vazhdon. Ka një mungesë të fortë të dhënies së llogarisë. Nuk ka asnjë shqetësim, ka një konsum të madh. Por, nuk jemi në zgjedhje të përgjithshme, jemi në zgjedhje lokale në të cilat nuk gjykohet shumë pushteti qendror, por kandidatët lokalë.

Zgjedhjet lokale janë ndarë prej 32 vitesh me një rregullsi midis Partisë Demokratike, që ka dominuar disa zona dhe Partisë Socialiste që ka dominuar disa të tjera. Ka patur disa zona më të ndërrueshme, si Tirana, Durrësi, Elbasani, Korça.

Pra janë zona që kanë ndërruar. Ka pasur ndryshime edhe Lezha, Kavaja në momente të caktuara. Por zona ku do të bëhet beteja është Tirana, Durrësi, Elbasani. Për Shkodrën, më duket e vështirë që PS-ja të fitojë zgjedhjet. Në 2021, kur PS kishte kandidat të fortë në Shkodër dhe votat e PD u ndanë, prapë PD e fitoi Shkodrën”, u shpreh Fevziu./ CNA

Lajmet e fundit nga