web counter
LEXO PA REKLAMA!

SHKARKO APP

App Store
Google Play

E fundit!

x

“Bie” Partia e Lirisë/ Meta kërkon zgjedhje të lira, por nuk i bën në partinë e tij

27 Korrik 2022, 14:39, Politikë CNA

“Bie” Partia e Lirisë/ Meta kërkon zgjedhje të lira,

Ilir Meta i ndërroi emrin LSI-së, duke e quajtur Partia e Lirisë. Që ditën kur prezantoi këtë ndryshim, pra që me 25 korik kur u zhvillua konventa, Meta, shfaqet duke folur për liri, revolucion.

Ndryshe flet dhe ndryshe vepron.

E quan Partia e Lirisë, flet për liri dhe ndërkohë vendos vetë.

Ai ka nisur vetë zgjedhjen e strukturave të PL-së, sipas skemës në kokën e tij, duke shmangur zgjedhjet që në të tilla raste bëhen brenda formacioneve politike.

Meta nuk bëri zgjedhje as për formalitet dhe të paktën as sa Enver Hoxha, por për tri ditë doli dhe prezantoi Komitetin Organizativ të PL-së, duke filluar me Blushin e tij dhe ata që deri më dje i nxirrte në emër të LSI-së për interesa të tij.

Pa zgjedhje dhe në errësirë të plotë Tedi Blushin e zgjodhi Sekretar të Përgjithshëm, Endrit Braimllarin, Sekretar Organizativ, Floida Kërpaçin, Sekretare për Marrëdhëniet Ndërkombëtare dhe Silva Cakën, Sekretare për Marrëdhëniet me Publikun.

Edhe Enveri bënte zgjedhje, populli dilnin të votonin, organizohej Kongresi, zgjidheshin drejtuesit, pavarësisht se formalisht, por Ilir Meta, as deri këtu nuk arriti.

Pra, Partia e Lirisë që kërkon zgjedhje të lira, nuk i bën as vetë.

Nuk i bën se nuk është në pyetje liria, por janë në pyetje lekët e Metës.

Është një parti e krijuar për interesa të xhepit të tij dhe se jo po i dhemb për lirinë e zgjedhjeve apo për vullnetin e qytetarëve.

Po të ishte kështu, do të kishte bërë zgjedhje brenda partisë që i ndërroi emrin. Por vullneti i anëtarësisë nuk i intereson.

Me shumë siguri mund të thuhet se edhe kongreset e Enverit kishin më shumë formalitete dhe ishin më serioze sesa partia e Metës e ngritur në rrënojat e LSI-së./CNA.al





Lajmet e fundit nga