E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Berisha prish rehatllëkun e PS në parlament, replikon me Ramën, Ballën, Nikollën dhe Manastirliun

9 Qershor 2022, 17:55, Politikë CNA

Berisha prish rehatllëkun e PS në parlament, replikon me Ramën,

Foto ilustruese

Rikthimi i Berishës si kryetar i Partisë Demokratike, ka kthyer debatin në salllën e parlamentit. Në seancën e sotme parlamentare, pa frikë mund të thuhet se Berisha ka qenë kryefjala e gjithë diskutimeve. Kryetari i Partisë Demokratike Berisha për gati dy orë ka replikuar në parlament pothuajse me të gjithë.

Megjithëse socialistët kanë deklaruar se nuk e njohim Berishën si kryetar të PD-së, nuk e mohojnë dot faktin se ai ju ka trazuar qetësinë dhe prishur rehatllëkun në sallën e parlamentit, duke iu kthyer përgjigje me argumenta për çdo deklaratë të tyre.

“Ironia” se gjoja nuk debatojnë me Berishën duket se nuk po ju funksionon socialistëve. Sot në seancën e radhës, Berisha ka replikuar me Ramën, megjithëse ky i fundit nuk përballet me të, por pas çdo diskutimi largohet nga salla.

Ka replikuar me Kryetaren e Kuvendit Nikollën, me Ministren e Shëndetësisë, Manastirliun dhe me kryetarin e grupit Ballën.

Jemi në fund të këtij sesioni parlamentar, por demokratët pas problemeve brenda vetes, dhe zgjedhjes së lidershipit të ri, po përpiqen të gjejnë veten, duke lënë menjanë kompleksion e inferioritetit dhe mungesës së batutës e argumentit që kishte ish-kryetari i PD-së Basha, ndaj socialistëve.

Deputetët e PD-së të mbështetur edhe nga Berisha, po ju kthenen debateve me argumenta në sallën e parlamentit, duke vënë para ministra e deputet të mazhorancës, për abuzimet që kanë bërë dhe po bëjnë në drejtimin e vendit me tendera e prokurime.

Por shtatori kur nis edhe sesioni i ri parlamentarë pritet të jetë, edhe koha e betejave të mëdha politike, ku mazhoranca dhe opozita do të kenë shumë përplasje politike mes tyre./CNA.al