web counter
LEXO PA REKLAMA!

SHKARKO APP

App Store
Google Play

Mero Baze bën thirrje, “rikthejeni hajdutin në zyrë”

4 Nëntor 2025, 12:01, Plaku Mere CNA

Mero Baze bën thirrje, “rikthejeni hajdutin në zyrë”

Mero Baze, gazetari i familjes Veliaj, ka bërë thirrje pas vendimit të Gjykatës Kushtetuese që Erioni të kthehet në zyrë. Në fakt, ajo “fitorja” e djeshme e Erion Veliajt dhe të tijve ndoshta për Meron vlen më shumë sesa një rikthim në zyrë.

"Tani që Gjykata Kushtetuese foli, dhe që të gjithë kemi prova se ai ishte i vetëm e me pranga në duar përballë të gjithëve, ai duhet të rikthehet në zyrë dhe të vazhdojë betejën e tij me drejtësinë", shkruan Mero Baze, gazetari i familjes Veliaj.

Por Erioni mund të ketë vetëm rikthim në burg, jo në zyrë. Sepse dje në Gjykatën Kushtetuese nuk është diskutuar apo shtjelluar çështja në lidhje me akuzat, 13 akuzat e tij penale dhe faktin pse mbahet në burg. Por ka rënë shkarkimi që i ka bërë Edi Rama. Pra, Erion Veliaj ka fituar me Edi Ramën.

 

Nga zyra Erioni nuk ka ikur dhe nuk ka shkuar për qejf për të ndenjur në Durrës. Se për shpirt rrinte në bashki dhe prishte provat, siç është kapur nga SPAK-u. Por është në burg pikërisht për këtë që thamë pak më lart. Me 13 akuza të rënda penale, për korrupsion, për pastrim të produkteve të veprës penale.

Pse duhet të kthehet Erion Veliaj në zyrë? Rikthejeni në zyrë Erion Veliajn që t'i japë lekë Mero Bazes apo për paratë që ia ka dhënë gazetarit të familjes së tij.

Vendimi i Gjykatës Kushtetuese dje thjesht dhe vetëm ka rrëzuar zinxhirin: Edi Rama në Asamble, Edi Rama në Këshill Bashkiak, Edi Rama në Kryeministri dhe Edi Rama në Presidencë. Kjo është e gjithë skema. Na ka treguar dhe që Gjykata Kushtetuese është e kapur politikisht dhe e mirëmenaxhuar nga aksi Sokol Sadushi - Fatmir Xhafaj, ku këtë të fundit Mero Baze e ka shumë për zemër. Dhe tani, pasi kanë shfrytëzuar gjithë tentakulat me gjyqtarë të shantazhueshëm dhe të intimidueshëm si ata të Gjykatës Kushtetuese, Sokol Sadushi ka fytyrën e tij në media, që është gazetari i familjes Veliaj, Mero Baze, i cili bëhet gazetar i çdo familjeje sipas pushtetit, siç e paguajnë.

Megjithëse me Berishën doli jo me shumë fitime, me Erion Veliajn është bërë milioner dhe miliarder edhe me hotele.

Tani, pas vendimit që i kanë dhënë gjyqtarët e Sadushit në Kushtetuese, Mero kërkon ta rikthejë në zyrë. Në fakt, e vërteta është që ka dhe një dosje tjetër penale hetimore. Dhe sa i përket çështjes që Erion Veliaj të kthehet në zyrë, i bie që t'i bëjnë një birucë atje brenda, që të vuajë dënimin, por kjo ende nuk njihet. Burgu është burg për vepra penale. Kurse ky teknikaliteti i djeshëm administrativ i Kushtetueses, që ishte i drejtë apo ishte i padrejtë shkarkimi i Erion Veliaj, është një gjë krejt tjetër.

Dhe Erion Veliaj nuk kthehet në zyrë se i do qejfi Mero Bazes, që ai ta paguajë dhe t'i mbushë xhepat. Nuk është në burg se e shkarkoi apo nuk e shkarkoi Edi Rama, por për 13 akuza të rënda penale dhe për një dosje tjetër hetimore. Dhe personat që prishin provat, njerëzit e korruptuar dhe hajdutët, vendin e kanë në burg, jo në zyrë.

Ndoshta Mero, si gazetari i Veliajt, shpreh pasionin dhe dashurinë e tij publike dhe raporton në mënyrë të pështirë e servilosëse, por kjo deri këtu mund të shkojë. Nga burgu nuk e nxjerr dot Erionin as Mero Baze, as Sokol Sadushi dhe as “banda” mediatike apo segmentet e korruptuara të drejtësisë.

Erion Veliaj është në burg për akuza të rënda penale, me vendime të të gjitha niveleve të gjykatave. Dhe prej disa muajsh i shmanget gjykimit, nuk shkon të përballet me akuzat, por bën fitore si ajo e djeshmja, që në fakt nuk i vlen asgjë më shumë. Erion Veliaj është në burg dhe jo në zyrë. Do apo nuk do gazetari i familjes së tij, do apo nuk do banda politike e drejtësisë së Rilindjes.

 

Ai është në burg dhe është në detyrë. Nga detyra e shkarkoi Edi Rama dhe e riktheu gjykata. Nuk e hoqi SPAK-u nga detyra. Në burg është, kompetencat mund t’i ushtrojë, por s’mund të prishë provat e veprave penale që ka kryer. Kjo është diferenca./CNA





Lajmet e fundit nga