web counter
LEXO PA REKLAMA!

SHKARKO APP

App Store
Google Play

E fundit!

x

A do ushtrojë ndikim të paligjshëm Sokol Sadushi për llogari të Mero Bazes dhe Erion Veliajt?

29 Maj 2025, 15:19, Aktualitet CNA
A do ushtrojë ndikim të paligjshëm Sokol Sadushi për llogari
Fotot marrë nga LSA

Sokol Sadushi është kryetar i Gjykatës së Lartë. Njeriu që në fakt nuk duhet të ishte pjesë e sistemit të drejtësisë. Kolegët e tij kanë kaluar vettingun, prokurorë, gjyqtarë. Ndërsa Sokol Sadushi “doli nga dritarja dhe hyri nga dera”. Pa kaluar në vetting, si një dhuratë për drejtësinë e re nga Rilindja, por dhe te media.

Pikërisht te Mero Baze. Ky i fundit është një nga isntrumentat mediatike të pushtetit, që është miliarder, pronar hotelesh, apartamentesh etj. Është pasuruar thjesht dhe vetëm duke mos bërë asnjëherë gazetari, por duke sharë Sali Berishën. Gjithsesi ka gjetur formën e tij për t’u pasuruar.

Ai është shembulli se duke ngrënë m... ditë e natë mund të bëhesh i pasur. Le të dalë dikush dhe të na thotë se çfarë ka bërë Mero Baze të paktën 10-15 vitet e fundit në gazetari, kur ka folur për korrupsionin, për aferat, për skandalet. Thjesht dhe vetëm ka bërë avokatin e kryeministrit, hajdutërive të Ilir Beqajt, Erion Veliajt etj.

 

Por çfarë e lidh Gjykatën e Lartë me Mero Bazen?

Sokol Sadushi është një nga miqtë e ngushtë të Mero Bazes. CNA disponon materiale konkrete dhe ndërhyrje që Mero Baze bënte në media për Sokol Sadushin. Ai kërkonte që mos të shkruhej, mos të sulmohej gjatë kohës që Sadushi po shkonte në Gjykatën e Lartë dhe skemat po zbardheshin.

Sokol Sadushi është një borxhli te Mero Baze për mbështetjen mediatike që i ka dhënë dhe tashmë është kryetari i gjykatës ku do të kalojë hapi i tentativës për të çuar në shtëpi Erion Veliajn. Kryebashkiaku i Tiranës me një mal akuza, i cili jo vetëm u kap me fakte dhe prova, por ai është në situata dhe rrethana të rënduara për shkak se ka dashur të prishë provat.

Gjithashtu në përgjime doli se çfarë mund të bënte nga burgu, çfarë mund të shpikte, si mund të sulmonte dhe të anatemonte prokurorët dhe gjyqtarët, kolegët e Sokol Sadushit të cilët kanë kaluar vetingun ndërsa Sokol Sadushi jo.


Gjithsesi duke e lënë pak mënjanë Sadushin edhe me shall të kuq, partizan; duke lënë mënjanë Sadushin dhe me “betejën” mediatike të Mero Bazes për ta shpëtuar nga hallet e mëdha në rast se do të përballej me një veting. Të lëmë mënjanë dhe vendimet e Gjykatës së Lartë që kanë mbajtur në burg Berishën dhe Metën.

 

Tashmë pyetja është e thjeshtë: A do ushtrojë ndikim të paligjshëm Sokol Sadushi për llogari të Mero Bazes që të lirohet Erion Veliaj dhe nga burgu i Durrësit të shkojë në shtëpi?

A do ta godasë Sokol Sadushi drejtësinë, kolegët e tij, bashkëpunëtorët e tij, njerëzit që kanë punuar dhe luftuar për të vënë drejtësi? Gjyqtarët që kanë zbardhur vendime, prokurorët që kanë gjetur fakte dhe prova dhe tashmë dosja pritet të gjykohet në gjykatën e drejtuar nga Sokol Sadushi, miku i Mero Bazes, i pushtetit të Rilindjes dhe disa të tjerëve, ish-ministra, zyrtarë apo njerëz me lidhje të forta me Partinë Socialiste, me Fatmir Xhafajn, me Arben Rakipin, që bën mbrojtjen ligjore të Erion Veliajt, pavarësisht se në hije dhe nuk del vetë përballë.

Janë këta dhe Gjykata e Lartë, Sokol Sadushi, që në fakt shpesh herë ka në dorë të “hedhë në erë” gjithë sistemin e drejtësisë, duke mos vënë drejtësi, por duke iu bindur urdhrave si ushtar politik.

A do ushtrojë ndikim të paligjshëm, kjo është për t’u parë dhe për t’u provuar. A do të vendoset drejtësi njëherë e mirë mbi faktet dhe provat? “Ushtrimi” është përpara, është Erion Veliaj, ashtu siç ishte dje Meta apo Berisha. Asgjë më shumë se sa kaq.

Por në këtë rast, ndryshe nga armiqtë politikë të opozitës kemi një nga njerëzit kryesorë të pushtetit, që mbështetet nga Mero Baze, që mbështetet nga Carlo Bollino, që mbështetet nga Top Channel. Ky i fundit me probleme me vendimet e Gjykatës së Lartë. Carlo Bollino dhe Mero Baze të dalë në përgjimet e SPAK.

Tani gjithçka ngelet te Sokol Sadushi. Ndikimi i paligjshëm që mund të ushtrojë ky individ apo dhe vendimet e paligjshme që mund të marrin kolegë të tij./ CNA





Lajmet e fundit nga