web counter
LEXO PA REKLAMA!

SHKARKO APP

App Store
Google Play

Mandatet e anëtarëve/ Tjetër përplasje mes Gjykatës së Lartë dhe Kushtetueses

28 Maj 2025, 13:02, Aktualitet CNA

Mandatet e anëtarëve/ Tjetër përplasje mes Gjykatës

Një përplasje e radhës ka nisur mes Gjykatës së Lartë dhe asaj Kushtetuese për çështjen e mandateve të anëtarëve të Kushtetueses. Shkak për këtë përplasje është bërë shkresa e datës 15 prill, kur Gjykata Kushtetuese iu drejtua me një shkresë Gjykatës së Lartë ku e njoftonte se çështja e mandatit të anëtares së Kushtetueses Sonila Bejtja. Kjo çështje do të shqyrtohej në seancë plenare, në bazë dokumentesh dhe pa praninë e palëve.

Sipas Gjykatës Kushtetutese, “përbërja e Gjykatës përtërihet çdo tri vjet me një të tretën e saj, sipas procedurës së përcaktuar me ligj” dhe sipas ligjit procesi duhet të niste në 2022-shin që skema të ishte funksionale, për të nisur zbatimin e plotë në vitin 2025 me ndryshimin e tre anëtarëve, një për secilin organ emërtese e për të vijuar më pas në vitet 2028 dhe 2031.

Shtatorin e vitit të kaluar, anëtarja Elsa Toska dha dorëheqjen dhe në muajin dhjetor kryetarja e Gjykatës, Holta Zaçaj, refuzoi deklarimin e përfundimit të mandatit të saj, në mars të 2025, sipas parashikimit ligjor. 

Situata u pasua me një shkresë të gjatë që Presidenti i Republikës, Bajram Begaj i dërgoi në fund të muajit janar, Gjykatës Kushtetuese, në të cilën nuk mungonin notat kritike dhe vihej në dukje ndër të tjera, se Gjykata “duhet të kishte përfunduar procedurën për deklarimin e mandatit të gjyqtares Bejtja dhe të kishte njoftuar Presidentin e Republikës për vakancën përpara datës 25.1.2025.

Në një reagim të fundit për këtë situatë, përmes një shkrese, Gjykata e Lartë shprehet se e ka “të pamundur të shmangë habinë” mbi rastin, duke nënvizuar se “për herë të parë në historinë 33-vjeçare nga krijimi i Gjykatës Kushtetuese në Shqipëri, një gjykim i tillë i natyrës deklarative, i nënshtrohet një procesi gjykimi me palë kundërshtare”.

Gjykata e Lartë këmbëngul se Kushtetuesja nuk duhet të bëjë një gjykim për këtë rast, por thjesht duhet të deklarojë përfundimin e mandatit të Sonila Bejtes./CNA

 

 

 





Lajmet e fundit nga